Iakopo 1:19 - Tokelauan New Testament

¹⁹ Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

Iakopo 1:19 ပူးပေါင်းရင်းမြစ်များ

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Maleko 12:37

Ko Tavita lava ia te na lea ko te Mehia ko te ‘Aliki’; e vēhea la ona Mehia he lāpuna o Tavita?” E tokalahi te kaifenua nae fakalogologo ki a Iehu ma te fiafia.

Maleko 2:2

Oi ōmamai ai nā tino e tokalahi ki ei, ma kua hē ofi i loto o te fale, ke pa lava ki fafo o te faitotoka. E folafola atu e Iehu te Tala Lelei ki a te ki lātou,

Luka 15:1

I tētahi aho na ōmamai ai nā aolafoga e tokalahi, ma iētahi tino inohia oi fakalogologo ki nā akoakoga a Iehu,

Luka 19:48

kae e hēki ki lātou maua he avanoa ona ko tagata uma lele nae fia fakalogologo pea lava ki a Iehu ma hē fofou ke mihi e ki lātou he kupu e fokotahi e tautala ai.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 10:33

Oi na fekau atu ai loa lava koe i te taimi tēnā, ma kua alofa mai ai koe ke hau. I te taimi la tēnei, ko ki mātou uma kua i kinei i mua o te Atua, e fakatalitali ke fakalogo ki mātou ki nā mea uma na fakatonu atu e te Aliki, ke tautala ai koe”

Gāluega 13:48

I te lagonaga o te mea tēnei e tagata nukukehe, na fiafia lele ki lātou ma vīkia e ki lātou te fekau a te Aliki; ma ko nā tino kua filifilia e te Atua ke maua e ki lātou te ola e fakavavau, kua talitonu.

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

Efeho 4:31

Tīaki te loto tīgā, te loto fekai ma te ita. Nahe toe taukekē pe faikupu fakakino, nahe toe i ei lele ni manatu e fakatupu ai te loto ita.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

Kolohe 3:8

Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

Iakopo 1:16

Te kau uho pele, ia koutou nahe fakahehēagia.

Iakopo 1:2

Te kau uho, koutou ke fiafia kāfai koutou e maua i te lahi o itūkāigā tofotofoga kehekehe,

Iakopo 1:26

Kāfai he tino o koutou e manatu ko ia ko he tino tāpuaki ki te Atua kae hē tāofiofia tona laulaufaiva, e hēai lele he aogā o tau tāpuakiga, ma e fakahehē lava koe e koe.

Iakopo 2:1

Te kau uho, ko koutou kua talitonu ki to tātou Aliki mamalu ko Iehu Keliho, ma e hē tatau ai la koutou ke fakailoga tino fua i te kikila atu i fafo.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Iakopo 3:10

Ko nā kupu e fakafetai ai ma nā kupu e fetū ai, e hau ki fafo mai te gutu e fokotahi. Oku uho, ko te mea tēnei e hē tatau ke tupu!

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

Iakopo 5:12

Kae fakamuamua i nā mea uma te kau uho, nahe koutou tautō kāfai e fai he koutou folafolaga. Nahe koutou tautō i te igoa o te lagi pe o te lalolagi pe o hētahi lava mea. Lea vē oioti, “Io” pe kāfai koe e loto ki ei, ma “Hēai” kāfai koe e hē loto ki ei, kae ke nahe kavea ai koutou ki lalo o te fakamahinoga a te Atua.

Iakopo 5:19

Te kau uho, kāfai he tino o koutou e fano kehe mai te meamoni kae toe kaumai e he tino o koutou,

1 Ioane 2:21

Ko au la e tuhi atu ki a te koutou, e hē ona e hē koutou iloa te meamoni; kae ona e koutou iloa, ma e iloa foki e koutou e hēai lele he tala pepelo e mafai ke hau i te meamoni.