Iakopo 1:17 - Tokelauan New Testament

¹⁷ Ko nā meaalofa uma lele e lelei ma kātoatoa, e mai te lagi. E fanaifo ki lalo mai te Atua, tē na faia ia mea pupula uma i te lagi, ma e tūmau pea lava ma hēai hona hūiga, pe he ataata kāfai e liliu.

Iakopo 1:17 ပူးပေါင်းရင်းမြစ်များ

Mataio 7:11

Kāfai la koutou, e ui lava e kino, kae e koutou iloa oi fōki nā mea lelei ma autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu ki a te ia!

Luka 11:13

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

Ioane 1:9

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Ioane 3:27

Kua tali atu ia Ioane, “E hēai he mea e fokotahi e mafai ke maua e he tino, vaganā te mea e fōki ki ei e te Atua.

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

1 Timoteo 6:16

Nā ko ia lava te ola pea lava; e nofo ia i te mālamalama e pupula lahi e hē mafai ke kikila ki ei he tino, ma e hēai he tino na kua ia kitea, pe mafai foki ke ia kitea. Ke ia te ia te vīkiga ma te mana e fakavavau! Amene.

Epelu 13:8

Ko Iehu Keliho e tutuha lava i te aho ananafi, te aho nei, ma ke pa lava ki te fakavavau.

Iakopo 1:5

Kae kāfai he tino o koutou e hē ia te ia te poto, tatalo ki te Atua, ma ka ia fōki atu ki a te koe. Auā ko te Atua e kaimakoi ki ho he tino.

Iakopo 3:15

Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Ioane 1:5

E vēnei la te fekau kua fakailoa mai e tona Ataliki ki a te mātou: Ko te Atua ko te mālamalama, ma e hēai lele he pōuliuli ia te ia.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

Fakaaliga 21:23

Kua hē toe manakomia e te kakai te la ma te māhina, auā ko te pupula o te mamalu o te Atua e huhulu ki ei, ma ko te Punuamāmoe ko tona mōlī ia.

Fakaaliga 22:5

Ka hē toe i ei he pō, ma ka hē toe manakomia e ki lātou ni mōlī pe ko te huhulu o te la, auā ko te Aliki te Atua ka fai ma o lātou mōlī, ma ka ia te ki lātou te pule fakatupu ke pa ki te fakavavau.