Iakopo 1:12 - Tokelauan New Testament

¹² Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Iakopo 1:12 ပူးပေါင်းရင်းမြစ်များ

Mataio 10:22

ma ka inohia koutou e tagata uma ona ko au. Ka ko te tino e onohai pea lava ke pa ki te ikuga, ka fakaolagia.

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Luka 6:22

“Amutia koutou kāfai ia tagata e feita atu ki a koutou, pe teteke, pe fakamātagā koutou, ma fakakino outou igoa, ona ko te Ataliki o te Tagata!

Loma 5:4

ko te onohai e talia ai ki tātou e te Atua, ma ko te talia o ki tātou e te Atua, e tupu ai te fakamoemoe.

Loma 8:28

E iloa e ki tātou, i mea uma lele, ko te Atua e galue mo te lelei fakatahi ma ki lātou e alolofa ki a te ia, ki lātou kua kalagagia e ia e tuha ma te mea e fofou ia ki ei.

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

1 Kolinito 8:3

Kae ko te tino e alofa ki te Atua, e iloa ia e te Atua.

1 Kolinito 9:25

Ko nā tino fētutuli tau tokatahi uma, e koleni fakamāoni ma e pūlea i mea uma, kae ke fakapale ki lātou i te pale e fano e pala. Kae e fai e ki mātou ke maua ai e ki mātou te pale e hē pala ke pa ki te fakavavau.

2 Timoteo 2:15

Taumafai ki mea e gata mai ai tō mafai ke talia kātoatoa koe i mua o te Atua, e vē he tino faigāluega e hē mā i tana gāluega, ma e akoako hako e ia te kupu moni a te Atua.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Epelu 10:32

Māfaufau ki te tūlaga nae i ei koutou i nā aho kua teka. I nā aho iēnā, kua uma ai te huhulu atu o te mālamalama o te Atua ki a te koutou, e lahi nā mea nae pagātia ai koutou, kae ko koutou nae onohai lava.

Epelu 11:17

Ko te fakatuatua te na ofo atu ai e Apelaamo tona ataliki ko Ihaako ke fai ma tāulaga, i te tofotofoga o ia e te Atua. Ko Apelaamo te tino na fai ki ei e te Atua te folafolaga, kae na malie lava ke ofo atu tona Ataliki ke fai ma tāulaga.

Epelu 12:5

Ko koutou nei kua pupuli i nā kupu fakamākeke na vāgana atu ai te Atua ki a te koutou tana fānau? “Taku tama, fakalogo lelei kāfai koe e fakatonu atu e te Aliki, ma ia koe nā fakavāivai kāfai koe e akoaki e ia.

Epelu 6:15

Ko Apelaamo nae onohai, ma na maua e ia nā mea na folafola e te Atua.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Iakopo 5:11

Ko nā tino e onohai e lea ki tātou e fiafia. Kua fakalogo koutou ki te onohai o Iopu, ma e koutou iloa nā mea na fai e te Aliki mo ia i te fakaikuga. Ko te Aliki e tīgā alofa ma alofa fakamāgalo.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.

1 Ioane 4:19

Ko ki tātou e alolofa auā ko te Atua na alofa muamua mai ki a te ki tātou.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.