Iakopo 1:11 - Tokelauan New Testament

¹¹ E oho ake te la ma tona vevela lahi ma mamae ai te lākau; e malili kehe ona tiale ma fakakino ai tona manaia. Ka vēnā foki lava oi fakakino nā tino maukoloa, ka koi fai a lātou hakilikiliga koloa.

Iakopo 1:11 ပူးပေါင်းရင်းမြစ်များ

Mataio 13:6

Kae i te fanakega o te la ki luga, na velahia ai nā tamā lākau ma e hēki mataloa kae kāmata oi magumagu, auā ko nā aka e hēki ola lahi ki lalo.

Mataio 20:12

Kua lea vē ki lātou, ‘Ko nā tino na gālulue mulimuli e fokotahi oioti te itūlā na gālulue ai, ka ko ki mātou iēnei na gālulue i te aho kātoa i te vevela o te la — ka kua fakatutuha e koe o lātou totogi ma ki mātou!’

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Maleko 4:6

Kae i te fanakega o te lā ki luga, na velahia ai nā tamā lākau ma e hēki mataloa kae kāmata oi magumagu, auā ko nā aka e hēki ola lahi ki lalo.

1 Kolinito 7:31

ko ki lātou e fakatāuagia ia mea o te lalolagi, e vē lava ni tino e hē tuahā moni ki ei. Auā ko te lalolagi tēnei, e vē ko te taimi nei, ka hē mataloa oi teka kehe atu.

1 Petelu 1:4

ma ko ki tātou la e amanaki ki to tātou tofi e tāofi e te Atua i te lagi, te mea e hē mafai ai ke pala, pe fakakino, pe matafi kehe.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.