Iakopo 1:10 - Tokelauan New Testament

¹⁰ ma ko nā tino Kelihiano maukoloa, e tatau ke fiafia kāfai ki lātou e fakamātitiva e te Atua. Auā ko nā tino maukoloa ka mou kehe atu e vē ko tiale o lākau o te vao.

Iakopo 1:10 ပူးပေါင်းရင်းမြစ်များ

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

1 Kolinito 7:31

ko ki lātou e fakatāuagia ia mea o te lalolagi, e vē lava ni tino e hē tuahā moni ki ei. Auā ko te lalolagi tēnei, e vē ko te taimi nei, ka hē mataloa oi teka kehe atu.

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

Iakopo 4:14

oi kae e hē koutou iloa pe he ā te ka pa ki ei te koutou ola i te aho taeao. Ko koutou e vē ko te puao, e hula oioti mo he taimi pukupuku oi toe mou kehe ai.

1 Petelu 1:24

E vē oi lea mai te tuhituhiga paia, “Ko tagata ola uma e vē ko te mutia ma ko nā mea uma e takutakua ai ki lātou e vē ko nā tiale o te vao. E mamago te mutia, ma malili ki lalo nā tiale,

1 Ioane 2:17

Ko te lalolagi ma nā mea uma e nanau ki ei te tagata, e fano e mou kehe atu; kae ko te tino e ia faia te finagalo o te Atua, e ola pea lava ke pa ki te fakavavau.