Gāluega 9:34 - Tokelauan New Testament

³⁴ Oi lea vē atu ai ki ei ia Petelu, “Ainea, ko koe ka fakamālōlō e Iehu Keliho i te taimi nei. Tū ki luga oi fefetu tō moega.” Ko te taimi lava tēnā na tū ai ki luga ia Ainea kua mālohi.

Gāluega 9:34 ပူးပေါင်းရင်းမြစ်များ

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Mataio 9:6

Ka kō fakamāonia atu la ki a te koutou, ei te Ataliki o te Tagata te pule i te lalolagi, ke fakamāgalo ai nā agahala.” Oi lea atu ai ki te tamāloa e mate tona tino kātoa, “Tū ki luga, hiki tō moega oi fano ki tō kāiga!”

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Gāluega 16:18

E lahi lele nā aho na fai ai tana mea tēnei, ma kua fai ma mea e tīgā ai te loto o Paulo ma na māfuli atu ai oi lea vē atu ki te agaga kino, “I te igoa o Iehu Keliho e kō fakatonua atu ai koe ke hau loa ki fafo o te tautiti tēnā!” Ko te taimi lava tēnā na hau ai ki fafo o te tautiti te agaga kino.

Gāluega 3:12

Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?

Gāluega 3:16

Ko te mana o Iehu te na mālohi ai te pipili. Ko te mea kua kikila koutou ki ei ma iloa e koutou, na fai e ala i te fakatuatua ki tona igoa; ko to mā fakatuatua ki a Iehu, te na mafai ai ke fakamālōlō te pipili i mua o koutou uma.

Gāluega 3:6

Kae kua lea vē atu ia Petelu ki ei, “E hēai haku tupe e fokotahi, kae ka kō fōki atua te mea e ia te au; i te igoa o Iehu Keliho o Nahaleta, e lea atu ai au ki a te koe, tū ki luga oi havali!”

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Gāluega 9:33

I kinā na fetaui ai ma he tino e igoa ki a Ainea, he tino nae mate ni vāega o tona tino ma kua kātoa te valu tauhaga e hē mafai ke fano kehe mai tona moega.

Gāluega 9:35

Ko nā tino uma nae nonofo i Lūtā ma Halona na ki lātou kitea ia Petelu, na liliu ma na talitonu ki te Aliki.