Gāluega 9:18 - Tokelauan New Testament

¹⁸ I te taimi lava tēnā na malili ifo ai nā mea e vē ni unafi i nā mata o Haulo, ma toe mafai ai ke kitea e ona mata. Na tū loa ki luga ia Haulo ma na papatihogia ai;

Gāluega 9:18 ပူးပေါင်းရင်းမြစ်များ

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 22:13

Na hau ki a te au, oi tū mai i oku tafa kae lea vē mai, ‘Haulo toku uho, pupula loa ō mata!’ Ko te taimi lava tēnā na toe pupula ai oku mata, ma na kikila ai au ki a te ia.

Gāluega 22:16

He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

Gāluega 9:19

ma i te umaga o te kai oi toe maua ai e ia te mālohi. Na nofo ia Haulo mo ni nai aho i Tamaheko fakatahi ma nā tino kua talitonu.

Gāluega 9:8

Kua tū ake ia Haulo ki luga, kua pupula ona mata kae kua hē ia kitea he mea. Oi takitaki ai e ki lātou i te lima ki Tamaheko.

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.