Gāluega 8:4 - Tokelauan New Testament

⁴ Ko nā tino na takape, na halalau ki nā itū uma ma tālaki atu te fekau.

Gāluega 8:4 ပူးပေါင်းရင်းမြစ်များ

Mataio 10:23

Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Gāluega 11:19

Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Gāluega 15:35

Na tau māhina te mataloa o te taimi na nonofo ai ia Paulo ma Panapa i Anitioka, ma nae gālulue fakatahi ma iētahi tino e tokalahi i te akoakoga ma te folafolaga o te kupu a te Aliki.

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

Gāluega 8:12

Kae i te taimi na talitonu ai ki lātou ki te fekau a Filipo e uiga ki te Tala Lelei o te Mālō o te Atua ma e uiga ki a Iehu Keliho, oi papatiho ai ki lātou; ko taulelea fakatahi ma fafine.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.