Gāluega 8:12 - Tokelauan New Testament

¹² Kae i te taimi na talitonu ai ki lātou ki te fekau a Filipo e uiga ki te Tala Lelei o te Mālō o te Atua ma e uiga ki a Iehu Keliho, oi papatiho ai ki lātou; ko taulelea fakatahi ma fafine.

Gāluega 8:12 ပူးပေါင်းရင်းမြစ်များ

Mataio 28:19

Olo la oi fai ia tagata o mālō uma o te lalolagi ma oku hoko: papatiho atu ki a te ki lātou i te igoa o te Tamana, te Ataliki ma te Agaga Paia,

Luka 9:2

Oi uga atu ai e ia ki lātou ke tālaki e uiga ki te Mālō o te Atua, ma fakamālōlō nā tino tauale,

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Gāluega 1:3

I nā aho e fahefulu talu te mate o Iehu, na ia fakakitea ia ki a te ki lātou i ni taimi e lahi, ma i ni auala e fakamāonia lelei ai ko ia kua toe tū mai i te oti. Na ki lātou kitea ia Iehu, ma na tautala ia Iehu ki a te ki lātou e uiga ki te Mālō o te Atua.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 18:8

Ko Kilihipo te takitaki o te hūnako, na talitonu ki te Aliki, vēnā ma tona kāiga kātoa; ma e tokalahi foki iētahi tino i Kolinito na fakalogo ki te fekau ma talitonu, ma na papatihogia.

Gāluega 19:5

I te fakalogoga o ki lātou ki te mea tēnei, oi papatiho ai loa ki lātou i te igoa o te Aliki ko Iehu.

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 20:25

“Kua uma toku pa atu ki a te koutou uma ma folafola atu e uiga ki te Mālō o te Atua, ma e iloa e au e hēai lele he tino o koutou ka toe kikila mai ki a te au.

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.

Gāluega 5:14

Kae kua haga fakaopoopo pea lava te tokalahi o nā tino kua talitonu ki te Aliki — he kaifenua o fafine ma taulelea.

Gāluega 8:4

Ko nā tino na takape, na halalau ki nā itū uma ma tālaki atu te fekau.

Loma 10:10

Auā ko te tātou fakatuatua te fakalelei ai to tātou va ma te Atua; ko te tātou takutinoga i mua o tagata, te fakaola ai ki tātou.

1 Kolinito 11:11

Kae i to tātou ōlaga i te Aliki, ko te fafine e hē tūtokatahi mai te tagata, e hē tūtokatahi foki te tagata mai te fafine.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,