Gāluega 8:10 - Tokelauan New Testament

¹⁰ oi ko tagata uma o te kakai, mai te tino e pito maualuga tona tūlaga ke pa ki te tino pito maualalo, nae fakalogo lelei lele ki a te ia ma lea vē, “Ko te tino tēnei kua liutino ki te Atua e fakaigoa ‘Ko te Mālohi Hili’.”

Gāluega 8:10 ပူးပေါင်းရင်းမြစ်များ

Fakaaliga 13:3

Ko tētahi o ulu o te manu fekai e fōliga nae i ei he manuka kino na tatau ke oti ai, kae ko te manuka kua mate. Na ofo lahi ia tagata uma i te lalolagi ma na mulimuli ai ki lātou ki te manu fekai.

2 Petelu 2:2

E ui i tēia, e tokalahi nā tino Kelihiano ka mulimuli ki o lātou lava tuinanauga mātagā; ma e ona ko nā mea e fai e ki lātou, ka fāifāi ai iētahi tino ki te Auala o te meamoni.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

2 Kolinito 11:19

Ko te lahi o te koutou mālamalama, kua koutou mafaia ai oi onohai i nā mea a nā vale e fai.

1 Kolinito 1:24

kae mo ki lātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua

Gāluega 28:6

Na fakatalitali nā tino ke puputa tona tino pe pakū fakafuaheki ki lalo kua mate. Kae ina kua mataloa te fakatali kae e hēai lele he hūiga e pa ki ei ia Paulo, oi na hui ai o lātou māfaufau ma lea vē, “Ko te tagata tēnei ko he atua!”

Gāluega 14:11

I te kitea atuga e te kaifenua te mea kua fai e Paulo, oi kāmata ai oi taukalalaga i te lātou gagana Lukaonia, “Ko nā atua kua liu tagata ma kua ōifo ki lalo ki a te ki tātou!”