Gāluega 7:60 - Tokelauan New Testament

⁶⁰ Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Gāluega 7:60 ပူးပေါင်းရင်းမြစ်များ

Mataio 27:52

kua mātalatala ia gutu o tugamau, ma e tokalahi ia tagata o te Atua na feoti, kae kua toe fakatutū ki te ola.

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Luka 22:41

Oi tūmuli atu ai ia Iehu ki he mea e hē mamao lahi atu ma ki lātou, kua tōtuli ki lalo ma tatalo.

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 6:28

fakamanuia ki a te ki lātou e fetūa koutou, ma tatalo mo ki lātou e fakahāuā atu ki a te koutou.

Ioane 11:11

Kua uma te lea atu vēnei o Iehu, oi toe lea atu ai, “Ko te tātou uō ko Lahalo e moe, kae ko au ka fano oi fafagu.”

Gāluega 13:36

Auā na fakataunuku e Tavita nā fuafuaga a te Atua ka koi ola ai. Kae i te otiga, na tanu fakatahi ma ona tupuna, ma na pala tona tino.

Gāluega 20:36

Ina kua uma te tautala vēnei atu o Paulo, oi tōtuli ai ki lalo fakatahi ma ki lātou uma, ma tatalo.

Gāluega 21:5

Kae ina kua pa ki te aho na tuku e toe folau ai ki mātou, oi olo kehe ai ki mātou. Ko te kau Kelihiano uma lele, ma a lātou āvaga ma a lātou fānau, na olo fakatahi ki mātou ki fafo o te kakai ki te matāfaga, ma i kinā na tōtutuli ai ki mātou uma ki lalo ma tatalo.

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

1 Kolinito 11:30

Ko te mea ia e fai vāivai ma tauaale ai te tokalahi o koutou, ma feoti ai iētahi.

1 Kolinito 15:18

Ko tona uiga foki ko nā tino kua oti ka nae mulimuli ki a Keliho, kua malaia.

1 Kolinito 15:20

Kae ko te meamoni, ko Keliho kua toe fakatū mai te oti, ko te tino muamua ia kua pa ki he mea vēnei, ke fai ma fakamāoniga ki a te ki lātou kua momoe atu, ko ki lātou ka toe fakatutū mai te oti.

1 Kolinito 15:51

Fakalogo ki te mealilo tēnei: ko ki tātou uma e hē feoti, kae kāfai te toe pu e ili, ko ki tātou uma ka hūia i he taimi vave lele, e vave e vē ko te kemo o te mata. Auā kāfai te pu e ili, ko nā tino kua oti ka toe fakatutū, ma hē toe oti lele, ma ka hūia uma ki tātou.

1 Kolinito 15:6

Oi fakakitea ai i te taimi lava e tahi ki nā tino e lima helau ma ona tupu nae mulimuli ki a te ia, ko te tokalahi o ki lātou iēnei koi ola mai, e ui kua oti iētahi.

1 Tehalonia 5:10

tē na mate mo ki tātou, kae ke nonofo fakatahi ai ki tātou ma ia, e tuha lava pe koi ola pe kua oti ki tātou, i te taimi e hau ai.

2 Timoteo 4:16

I te faiga o toku fakamahinoga, e hēai lele he tino na fehoahoani mai ki a te au; ko au na tīaki e ki lātou uma. Ko au e tatalo ke nahe tauia e te Atua te lātou mea tēnei na fai.

2 Petelu 3:4

ma lea vē atu, “Na folafola e ia ko ia e toe haele mai, ni? Tēfea nei la? Kua feoti atu o tātou tupuna, kae ko nā mea uma lele e tūmau lava i te mea nae i ei ai talu te kāmataga o te lalolagi!”