Gāluega 7:56 - Tokelauan New Testament

⁵⁶ Kua lea vē atu ia Hetefano, “Kikila! E kitea atu e au te lagi kua māvā ma te Ataliki o te Tagata e tū i te itū taumatau o te Atua!”

Gāluega 7:56 ပူးပေါင်းရင်းမြစ်များ

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 3:16

Na uma loa te papatiho o Iehu, oi fanake loa ki luga mai te vai. I te taimi lava tēnā na māvā ai te lagi, ma na ia kitea atu te Agaga o te Atua kua fanaifo ki lalo e vē he lupe, ma tū ki ona luga;

Mataio 8:20

Kua tali atu ia Iehu ki a te ia, “E fai ia lua o ālope ma fai ia ōfaga o manulele; kae ko te Ataliki o te Tagata e hēai he mea ke takoto ki ei ke mālōlō ai.”

Maleko 1:10

Na fanake loa ia Iehu ki luga mai te vai, oi ia kitea atu ai te lagi kua māvā ma te Agaga e fanaifo ki lalo e vē he lupe;

Luka 3:21

Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi,

Ioane 1:51

Oi toe lea atu ai ia Iehu, “E takutino atu e au ki a te koutou te meamoni; ka kitea e koutou te lagi e matala, ma nā agelu a te Atua e ōake ki luga ma ōifo ki lalo i luga o te Ataliki o te Tagata.”

Gāluega 10:11

Kua kitea atu e ia te lagi kua māvā, ma he mea e vē he kiekafu lahi e fōliga e tukutuku ifo ki te lalolagi i ona pito e fa.

Gāluega 10:16

Na fakatolu lava ona fakatonu vēnei ia Petelu e te Atua, oi toe kavake ai ki te lagi te mea tēnei.

Gāluega 7:57

Kua taukekē nā tino o te Taupulega ma pupuni o lātou taliga i o lātou lima. Oi taufai tūtaoho fakatahi atu loa ki lātou,

Fakaaliga 11:19

Oi tatala ai te mālumalu o te Atua i te lagi, ma na kitea ai i kinā te Puha o te Feagaiga. Oi kānapanapa ai nā uila, gāpāpā nā tāgulu, ma lūlū he mafuie, ma to nā ua aiha mamafa.

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Fakaaliga 4:1

I te taimi tēnā, oi kikila atu ai au ma kō kitea atu he faitotoka e matala i te lagi. Ma te leo e vē ko te tagi a he pu na lagona foki e au muamua e tautala mai, e lea vē mai, “Hau ki luga i kinei, oi fakaali atu ai e au ki a te koe nā mea e tatau ke tutupu kāfai e uma te mea tēnei.”