Gāluega 7:32 - Tokelauan New Testament

³² ‘Ko au ko te Atua o nā tupuna o koe, te Atua o Apelaamo, o Ihaako, ma Iakopo.’ Na tete ia Mohe i te mataku, ma e hēki fofou ke kikila ki ei.

Gāluega 7:32 ပူးပေါင်းရင်းမြစ်များ

Mataio 17:6

I te lagonaga e nā hoko te leo, oi mātataku lahi lele ai ma fakapakukū fakapūlou ki luga o te kelekele.

Mataio 22:32

‘Ko au ko te Atua o Apelaamo, te Atua o Ihaako, ma te Atua o Iakopo.’ Ko ia ko te Atua o tagata ola kae hē o tagata oti.”

Mataio 22:46

E hēki i ei he tino na ia mafaia oi tali ki a Iehu, ma na kāmata mai i te aho tēnā, e hēki toe i ei lele he tino na toe fia toa ke fai hana fehili ki a te ia.

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Gāluega 7:31

Na ofo lele ia Mohe i te mea kua kikila ia ki ei, ma na hōhō atu ai ki tafa o te lākau mumū ke kikila tonu ki ei. Kae na ia lagona te leo o te Aliki e lea vē mai:

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Fakaaliga 1:17

I te kō kiteaga o ia, oi fakapakū ai au ki tafa o ona vae e vē he tino kua oti. Kae kua tuku mai tona lima taumatau ki oku luga ma lea vē mai, “Ia koe nahe mataku! Ko au ko te muamua ma te mulimuli.