Gāluega 7:3 - Tokelauan New Testament

³ ma na vāgana vē atu te Atua ki ei, ‘Tuku tō kāiga ma tō nuku, kae fano ki te fenua ka kō fakahino atua ki a te koe.’

Gāluega 7:3 ပူးပေါင်းရင်းမြစ်များ

Mataio 10:37

“Ko ai lava te hili tona alofa ki tona tamana pe ko tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ko tona afafine i lo au, e hē aogā ia ke kavea ma oku hoko.

Luka 14:33

E vēnā foki lava ona hē mafai e he tino o koutou ke kavea ma oku hoko, vaganā e ia tiakia ana mea uma lele.

Gāluega 7:4

Ma na tukua ai loa e ia tona fenua kae fano ki Halana. I te otiga o tona tamana, oi uga ai e te Atua ki te fenua e nonofo ai nei koutou.

2 Kolinito 6:17

Na vāgana foki te Aliki, “Olo kehe ma ki lātou ma nahe toe koutou nonofo fakatahi. Koutou nā fakapipiki ki te mea e hē mamā, oi talia ai koutou e au.

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.