Gāluega 6:9 - Tokelauan New Testament

⁹ Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.

Gāluega 6:9 ပူးပေါင်းရင်းမြစ်များ

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Mataio 23:34

Ko te mea ia, ka kō uga atua ki a te koutou nā pelofeta ma nā tino popoto ma nā faiakoga; ka koutou tāmatea iētahi o ki lātou, ka fakahātaulo iētahi, ma kini iētahi i loto o nā hūnako ma tuli mai tētahi kakai ki tētahi kakai.

Mataio 27:32

Ka koi ōatu ki lātou ki fafo o te kakai, kae fetaui ma he tamāloa mai Kulene, ko Himona tona igoa. Oi fakamālohia ai e nā fitafita ia Himona, ke amo e ia te hātaulo o Iehu.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Luka 21:12

Kae ko hēki tutupu nā mea uma iēnei, ko koutou ka puke ma fakahāuāgia; ka tuku atu koutou ke fakamahino i loto o nā hūnako, ma tuku ki loto o nā falepuipui; ka kave koutou ki mua o nā tupu ma nā kōvana, ona ko au.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 19:10

Na kātoa te lua tauhaga nae fai ai e ia te mea tēnei, ma ko nā tino uma nae nonofo i te itūmālō o Ahia, nā tino Iutaia ma nā tino nukukehe, na ki lātou lagona te kupu a te Aliki.

Gāluega 19:26

Nei, kua kikila ma fakalogo koutou ki te mea a te tagata tēnei ko Paulo e fai. E lea vēia ko nā atua e fai i lima o tagata e hē ni atua moni, ma kua tokalahi lele nā tino i kinei i Efeho ma te itūmālō kātoa o Ahia kua talitonu ki a te ia.

Gāluega 21:27

Kae i te taimi kua tau fakauma ai nā aho e fitu, kae kitea ia Paulo i te Mālumalu e ni tino Iutaia e ōmamai i te itūmālō o Ahia. Na fakaohooho e ki lātou te kaifenua kātoa, ma na puke ai ia Paulo e ki lātou.

Gāluega 21:39

Kua tali atu ia Paulo, “Ko au he Iutaia, na fānau i Taheha i Kilikia, ma ko he tagatānuku o he kakai tāua lahi. Fakamolemole tuku mai he avanoa ke fai ai haku kupu ki nā tino.”

Gāluega 22:19

Oi tali vē atu ai au, ‘Te Aliki, e iloa lelei lava e ki lātou ko au nae fano ki nā hūnako oi puke ma kini nā tino kua talitonu atu ki a te koe.

Gāluega 22:3

“Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Gāluega 23:34

Kua faitau te tuhi e te kōvana, oi fehili ai ki a Paulo pe ko te fea te itūmālō e hau ai ia. I te ia iloaga ko Paulo e hau mai Kilikia,

Gāluega 24:18

Ko koi fai e au te mea tēnei i te Mālumalu, kae maua ake au e ki lātou ka kua uma ai te fakataunuku e au o te hāuniga o te fakamamāgia. Nae hēai he kaifenua nae i ei ma au, nae hēai foki he vevehi.

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

1 Kolinito 1:20

Ko te mea ia, he ā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.

Kalatia 1:21

Mulimuli ake, oi fano ai au ki ni kogāfenua i Hulia ma Kilikia.