Gāluega 6:7 - Tokelauan New Testament

⁷ Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Gāluega 6:7 ပူးပေါင်းရင်းမြစ်များ

Mataio 19:30

Kae e tokalahi ki lātou e muamua nei ka kavea ma mulimuli, ma e tokalahi foki ki lātou e mulimuli nei ka kavea ma muamua.”

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Ioane 12:42

E ui i tēia, e tokalahi ia takitaki o Iutaia na talitonu ki a Iehu; kae ona ko to lātou mātataku i te kau Falehaio, na hēki fofou ai ke fakailoa ki tagata to lātou talitonuga, auā nā ki lātou e tutulia ki fafo o te hūnako.

Gāluega 12:24

I te taimi tēnā ko te kupu a te Atua kua halalau pea lava ma tupu olaola.

Gāluega 13:8

Kae na teteke ki a te ki lāua te taulāitu ko Eluma (ko tona igoa ia i te gagana Eleni), ma nae taumafai ke tataki kehe te Kōvana ke nahe talitonu ki te Atua.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 19:20

Ko nā mea iēnei na fai ma mea na halalalau ma tuputupu ai pea te ola o te kupu a te Aliki.

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Gāluega 6:1

I he taimi mulimuli ake, kua tuputupu pea lava te nūmela o nā tino kua talitonu ki a Iehu, na tupu ai he fekehekeheakiga i te va o nā tino Iutaia e tautatala i te gagana Eleni ma nā tino Iutaia lava e nonofo i kinā. E lea nā tino Iutaia e tautatala i te gagana Eleni, ko nā fafine o ki lātou kua feoti a lātou āvaga, e hē maua ni o lātou vāega i nā tupe e fakahoahoa i nā aho takitahi.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Loma 16:26

Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Kalatia 1:23

Na fakalogo oioti ki lātou ki nā tino e lea vē, “Ko te tagata tēnei nae fakahāuā mai ki a te ki tātou, kae nei kua tālaki e ia te talitonuga faka-Kelihiano nae teteke lahi ki ei muamua.”

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

2 Tehalonia 1:8

ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu.

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Iuta 1:20

Kae ko koutou aku uō pele, ke haga ati ake pea i te fakavae o te koutou fakatuatua e hili te paia. Tatalo i te mana o te Agaga Paia,

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.