Gāluega 6:1 - Tokelauan New Testament

¹ I he taimi mulimuli ake, kua tuputupu pea lava te nūmela o nā tino kua talitonu ki a Iehu, na tupu ai he fekehekeheakiga i te va o nā tino Iutaia e tautatala i te gagana Eleni ma nā tino Iutaia lava e nonofo i kinā. E lea nā tino Iutaia e tautatala i te gagana Eleni, ko nā fafine o ki lātou kua feoti a lātou āvaga, e hē maua ni o lātou vāega i nā tupe e fakahoahoa i nā aho takitahi.

Gāluega 6:1 ပူးပေါင်းရင်းမြစ်များ

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Gāluega 11:20

Kae ko iētahi o ki lātou, ni tino mai Kupulona ma Kulene, na olo ki Anitioka ma folafola te fekau ki tagata nukukehe, ma e uiga ki te Tala Lelei ki te Aliki ko Iehu.

Gāluega 11:26

I te ia mauaga, oi kave ai e ia ki Anitioka, ma e lua ia tauhaga nae māfuta ai ki lāua ma nā tino o te ekalehia ma ki lā akoako he vāega e tokalahi. Ko kinā i Anitioka te na mua fakaigoa ai nā tino kua talitonu ki a Iehu, ni Kelihiano.

Gāluega 11:29

Na tonu i te kau hoko, ko he ā lava he mea e maua e ki lātou tau tokatahi uma, ke kave ke fehoahoani ki te kau uho Kelihiano e nonofo i Iutea.

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Gāluega 2:45

Nae fai ma fakatau atu o lātou fenua ma a lātou meatōtino, ma fakahoahoa te tupe mā ki lātou fakatahi, fuafua ki o lātou manakoga tau tokatahi.

Gāluega 2:47

ma viviki ake ki te Atua ma na talia fiafia ki lātou e tagata uma. Ma ko aho uma lava e fakaopoopo e te Aliki ki te lātou vāega nā tino kua fakaolagia.

Gāluega 4:35

na ki lātou tuku atua ki te kau apohitolo; oi fakahoahoa ai nā tupe fuafua ki nā manakoga o ki lātou tau tokatahi.

Gāluega 4:4

Kae e tokalahi nā tino na fakalogo ki te fekau ma talitonu ki ei; ma na tuputupu ai pea lava te nūmela o tagata na fakapotopoto ki ei, ma na maua he limaafe pe ā.

Gāluega 5:14

Kae kua haga fakaopoopo pea lava te tokalahi o nā tino kua talitonu ki te Aliki — he kaifenua o fafine ma taulelea.

Gāluega 5:28

“Na fakatonu lelei atu lava koutou e ki mātou ke nahe toe faia autou akoakoga i te igoa o te tino tēnei. Kae kikila atu ki te mea kua pa ki ei! Kua fakahalalau e koutou autou akoakoga ki Ieluhalema kātoa, ma taumafai koutou ke tukuaki mai ki a te ki mātou tona mate!”

Gāluega 6:2

Oi fakamāopoopo mai ai e te kau apohitolo e toka hefululua, nā tino uma lele kua talitonu ma lea vē atu ki ei, “E hē he mea tatau ke tuku e ki mātou te tālakiga o te kupu a te Atua, kae ke kikila e ki mātou te mea tau tupe.

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Gāluega 9:29

Na ia folafola foki e uiga ki a Iehu Keliho ki nā tino Eleni e tautatala i te gagana Iutaia ma nae fai a lātou fefīnauakiga, kae na taumafai lava ki lātou ke tāmate ia Haulo.

Gāluega 9:39

Na hāuni ai loa ia Petelu ma na olo ai ma ki lāua. Na pa atu lava ia Petelu oi kave ai e ki lātou ki te potu i te falealuga. I kinā na hiko fakatāmilo ai ia e fafine uma kua feoti a lātou tāne; e faitatagi lava ma fakahino ki ei nā kofutino ma nā kofutatao na hui e Toka ka koi ola ai.

Gāluega 9:41

Kua papae atu ia Petelu oi fehoahoani ki ei ke tū ki luga. Oi kalaga ai ki nā tino kua talitonu ki a Iehu fakatahi ma fafine kua feoti a lātou tāne, ma ia tuku atua ai ki a te ki lātou te fafine kua toe ola mai.

Loma 12:7

kāfai ko te tautua, e tatau ki tātou ke tautua; kāfai ko te akoako, e tatau ki tātou ke akoako;

1 Kolinito 10:10

E hē tatau ke faitio ki tātou, e vē oi fai e iētahi o ki lātou — na fakaumatia ki lātou e te Agelu o te Oti.

2 Kolinito 11:22

Ni tino Epelu nei ki lātou? E vēnā foki au. Ni tino Ihalaelu nei ki lātou? E vēnā foki au. Ni lāpuna nei ki lātou e o Apelaamo? E vēnā foki au.

Filipi 3:5

Ko au na pelitome i te valu o aho talu toku fānau mai. Ko au he Ihalaelu mai te puikāiga o Peniamina, he tino Epelu moni lava. I te tūlaga tau ki te Tūlāfono Iutaia, ko au nae he Falehaio,

1 Timoteo 5:3

Āva ki nā fafine kua oti a lātou tāne e nonofo nā ko ki lātou.

1 Timoteo 5:9

Nahe tuhia te igoa o he fafine kua oti tana āvaga ki te lihi o nā fafine kua oti a lātou āvaga, vaganā kua hili atu ona tauhaga i te onohefulu. E hē gata i tēnā, e tatau ko he fafine na fakaipoipo fakafokotahi oioti,

Epelu 13:1

Ke tūmau pea te alofa o tētahi ki tētahi e vē ona tatau ke fai e tagata uma kua mulimuli ki te Aliki.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”

Iakopo 5:9

Te kau uho, nahe mūimui tētahi ki tētahi, kae ke nahe fakamahinoa ai koutou e te Atua. Kikila, ko te fakamahino kua tū i te faitotoka, kua hāuni ka hau.