Gāluega 5:9 - Tokelauan New Testament

⁹ Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”

Gāluega 5:9 ပူးပေါင်းရင်းမြစ်များ

Mataio 4:7

Kua tali mai ia Iehu, “E lea mai foki te tuhituhiga paia, ‘Nahe kē tofotofoa te Aliki tō Atua.’ ”

Luka 16:2

Oi fekau ai e ia tana kaukauna pule ma lea vē atu ki ei, ‘He ā tēnei kua kō lagona atu e uiga ki a te koe? Hāuni mai la he tala kātoa o aku mea uma nae kē kikilagia, auā ko koe ka hē toe kaveagia ma kaukauna pule.’

Gāluega 15:10

He ā la te kua tofotofo ai e koutou te Atua i te kua fakauta e koutou o he kavega ki luga o nā tino kua talitonu ki te Aliki, he kavega na hēki mafai e o tātou tupuna pe ko ki tātou oi taukave?

Gāluega 5:6

Oi ōmamai ai nā taulelea talavou oi āfīfī tona tino, ma hiki ki fafo oi tanu.

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Loma 3:19

Nei, kua iloa e ki tātou ko ho he mea lava e lea mai ai te Tūlāfono, e fakaaga ki a te ki lātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua.

1 Kolinito 10:9

E hē tatau ke tuku atu e ki tātou ia Keliho ki te tofotofoga, e vē oi fai e iētahi o ki lātou — na fakaumatia ki lātou e nā gata.