Gāluega 5:5 - Tokelauan New Testament

⁵ Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

Gāluega 5:5 ပူးပေါင်းရင်းမြစ်များ

Gāluega 13:11

Ko te mea ia ka pakū atu ai ki ō luga te lima o te Aliki i te taimi nei lava; ko koe ka tāuaho ma ka hē kē kitea te māina o te la mo he taimi.” Ko te taimi lava tēnā na lagona ai e Eluma he puao uliuli kua pupuni ai ona mata, oi havali holo ai ke tau ia ki he tino ke takitakia ia i te lima.

Gāluega 2:43

E lahi nā vāvega ma nā fakailoga na fai e ala i te kau apohitolo, ma na mātataku lele ai ia tagata uma.

Gāluega 5:13

E hēai lele he tino ko hēki talitonu na loto toa ke i ei fakatahi i te mea kua maopoopo ki ei nā tino kua talitonu, e ui lava ko nā tino kua talitonu nae fakaaloalogia lele e tagata.

1 Kolinito 4:21

He ā te fofou koutou ki ei? Ke fanatu au ma te kini ki a te koutou, pe fanatu i te agaga o te alofa ma te agamalū?

2 Kolinito 13:10

Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 13:2

Ko au e fia lea atu ki a te koutou iēnā nae agahala i te taimi kua teka, vēnā ma iētahi uma; na lea atu au i te mea tēnei i te lua o taimi na āhiāhi atu ai au, kae ka toe lea atu au i te taimi nei kua hē i kinā au: ko tētahi taimi e fanatu ai au, e hēai he tino e fakahaoa mai te fakahalaga.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Fakaaliga 11:5

Ma kāfai e taumafai he tino ke fai he mea ke āfāina ai ki lāua, e hau te afi mai o lā gutu ma fakaumatia ai o lā fili. Ko ai lava la e taumafai ke fai hana mea ki nā molimau e toka lua, ka fahiotiagia.