Gāluega 5:32 - Tokelauan New Testament

³² Ko ki mātou ni molimau ki nā mea iēnei — ki mātou ma te Agaga Paia, tē kua fōki e te Atua mo ki lātou e uhitaki ki a te ia.

Gāluega 5:32 ပူးပေါင်းရင်းမြစ်များ

Ioane 7:39

Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 10:44

Ka koi tautala ia Petelu, kae fanaifo te Agaga Paia ki luga o ki lātou uma nae fakalogologo ki te fekau.

Gāluega 13:31

ma e lahi nā aho na fakaali ai ia ki nā tino na malaga fakatahi ma ia, mai Kalilaia ki Ieluhalema. Ko ki lātou iēnei te kua kavea ma molimau e uiga ki a te ia, ki tagata o Ihalaelu.

Gāluega 15:28

E tutuha lava to mātou manatu ma te mea e fofou ki ei te Agaga Paia, e hē tatau ke toe fakauta atu ni iētahi kavega ki outou luga, vāgana ai nā mea iēnei:

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Gāluega 2:4

Na fakatumulia ai ki lātou uma i te Agaga Paia, oi kāmata ai oi tautatala i iētahi gagana, e vē ona tuku atu e te Agaga ki a te ki lātou te mana ke tautatala ai.

Gāluega 5:29

Oi tali vē atu ai ia Petelu ma nā apohitolo ki ei, “Ko ki mātou e tatau ke uhitaki ki te Atua kae hē ki tagata.”

Loma 8:16

Ko te Agaga o te Atua kua fai ma molimau fakatahi ma o tātou agaga, ko ki tātou ko he fānau e a te Atua.

2 Kolinito 13:1

Ko te tolu tēnei o taimi e fanatu ai au oi āhiāhi atu ki a te koutou. E vē oi lea mai te tuhituhiga paia, “Ho he mōliaga, e tatau ke fakamāonia i te molimau, a ni tino e toka lua pe hili atu.”

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.