Gāluega 5:30 - Tokelauan New Testament

³⁰ Ko te Atua o nā tupuna o ki tātou te na ia fakatūa ia Iehu mai te oti, i te tāmatega e koutou i luga o te hātaulo.

Gāluega 5:30 ပူးပေါင်းရင်းမြစ်များ

Luka 1:55

Kua manatua e ia ke fakaali tona alofa fakahao ki a Apelaamo ma ana fānau uma lele ke pa ki te fakavavau!”

Luka 1:72

Na tākua e ia ka ia fakaalia tona alofa fakahao ki o tātou tupuna, ma ia manatua tana feagaiga paia.

Gāluega 10:39

Ko ki mātou ni molimau ki nā mea uma na ia faia i te kakai ko Ieluhalema, ma iētahi vāega o te fenua o tagata Iutaia. Na ki lātou tāmatea i te tutukiga e ki lātou o ia ki te hātaulo.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Gāluega 22:14

Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.

Gāluega 3:26

Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.