Gāluega 5:3 - Tokelauan New Testament

³ Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Gāluega 5:3 ပူးပေါင်းရင်းမြစ်များ

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Luka 22:3

Oi ulufia ai e Hātani te loto o Iuta te Ihikaliota, he tino o te kau hoko e toka hefululua.

Ioane 13:2

I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.

Ioane 13:27

Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”

Gāluega 5:2

Kae i te māliliega i te va o ia ma tana āvaga, na ia tāofia ai mo ia he vāega o te tupe na maua, kae fōki te tupe na totoe ki te kau apohitolo.

Gāluega 5:4

Ka ko hēki fakatau atua e koe te fenua, nae e o koe lava; ma ina kua uma te fakatau atu e koe, ko te tupe e a koe. He ā la te na fai ai e koe he mea vēnā? Ko koe e hēki pepelo ki tagata — ko koe kua pepelo ki te Atua!”

Gāluega 5:9

Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”

Iakopo 4:7

Ko te mea ia, e tatau koutou ke uhiuhitaki lelei ki te Atua. Teteke atu ki te Tiāpolo, oi ka hola kehe ai ia ma koutou.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.