Gāluega 5:20 - Tokelauan New Testament

²⁰ “Olo oi tutū i loto o te Mālumalu ma taku atu ki nā tino nā mea uma lele e uiga ki te ola fou tēnei.”

Gāluega 5:20 ပူးပေါင်းရင်းမြစ်များ

Mataio 10:27

Ko nā mea e lea atu ai au ki a te koutou i te pōuli, e tatau ke tautatala ai koutou i te ao teatea, ma ko nā mea e lagona muhumuhu e koutou, e tatau ke vākai i loto o te malae.

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Ioane 12:50

Ma e iloa e au ko tana fakatonuga e maua ai te ola e fakavavau. Ko nā mea e tautala ai au, ko nā mea ia e lea mai ai te Tamana ke tautala ai au.”

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.

Ioane 6:63

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Gāluega 11:14

Ka tautala atu ia ki a te koe i nā kupu e fakaola ai koe, vēnā ma tō kaukāiga kātoa.’

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.