Gāluega 5:2 - Tokelauan New Testament

² Kae i te māliliega i te va o ia ma tana āvaga, na ia tāofia ai mo ia he vāega o te tupe na maua, kae fōki te tupe na totoe ki te kau apohitolo.

Gāluega 5:2 ပူးပေါင်းရင်းမြစ်များ

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Ioane 12:6

Ko Iuta na lea vēnā, e hē ona ko hona alofa moni ki nā tino mātitiva, kae ona nae ia kikilagia te taga e teu ai a lātou tupe, ma nae māhani oi ia kaihohoa mai ai ni tupe.

Gāluega 2:44

Na tūmau pea lava te māfuta fakatahi o nā tino kua talitonu ki a Iehu, ma fakaaogā fakatahi a lātou meatōtino.

Gāluega 4:37

na fakatau atu e ia he fenua e o ia, oi kaumai ai te tupe oi fōki ki te kau apohitolo.

Gāluega 5:1

Kae nae i ei he tamāloa e igoa ki a Anania ma tana āvaga ko Hafilē, na fakatau atu e ki lāua he vāega o tō lā fenua.

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Gāluega 5:8

Kua fehili atu ki ei ia Petelu, “Lea mai ake, ko te tupe kātoa tēnei na maua e koulua ma tau āvaga mo te koulua fenua?” Kua tali atu te fafine, “Io, ko te tupe kātoa tēnā.”

Filipi 2:3

Nahe faia lele he mea e koutou e ala i te manatu fakapito pe ko te fāfia, kae fai i te loto maulalo, ma ke fakamuamua lava te manatu, e hili atu te tāua o iētahi tino i lo koutou.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.