Gāluega 5:18 - Tokelauan New Testament

¹⁸ ma na puke ai e ki lātou te kau apohitolo ma tuku ki te falepuipui.

Gāluega 5:18 ပူးပေါင်းရင်းမြစ်များ

Mataio 4:12

I te lagonaga e Iehu ko Ioane kua kave ki te falepuipui, oi fano ai ki Kalilaia.

Luka 21:12

Kae ko hēki tutupu nā mea uma iēnei, ko koutou ka puke ma fakahāuāgia; ka tuku atu koutou ke fakamahino i loto o nā hūnako, ma tuku ki loto o nā falepuipui; ka kave koutou ki mua o nā tupu ma nā kōvana, ona ko au.

Gāluega 4:3

Oi puke ai loa e ki lātou te toka lua, ma e ona kua pō i te taimi tēnā, na tuku ai e ki lātou ki lāua ki te falepuipui ke pa ki te aho alafaki.

Gāluega 8:3

Kae ko Haulo nae taumafai lava ke fakahēai te Ekalehia; na fano ki loto o nā fale o tagata takitahi ma toho ki fafo nā tino kua talitonu ki a Iehu, ko taulelea ma fafine, ma fakatonu ke kave oi togi ki te falepuipui.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

Epelu 11:36

Ko iētahi nae fakatauemu ki ei ia tagata ma kini, ma ko iētahi nae haihai i nā filifili ukamea ma togi ki te falepuipui.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.