Gāluega 5:16 - Tokelauan New Testament

¹⁶ Na lolofi mai nā kaifenua mai nā tamā kakai e pili ki Ieluhalema ma kaumai nā tino tauale ma nā tino e ulufia e nā agaga kino; ma na fakamālōlō uma ki lātou.

Gāluega 5:16 ပူးပေါင်းရင်းမြစ်များ

Mataio 2:16

I te iloaga e Helota ko ia kua pelogia e nā tino malaga mai Hahae, oi ita lahi lele ai. Na fakatonu ai loa e ia ke tāmate nā tamaiti tāne uma mai te lua tauhaga agai ki lalo te mātutua, i Peteleema ma nā nuku e tuākoi ki ei — ko te tonu tēnei na fai fuafua fakatatau ki nā mea na iloa e ia mai nā tino malaga, e uiga ki te taimi na kitea ai te fetu.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 8:16

I te afiafipō o te aho lava tēnā, na kaumai ai e ki lātou ki a Iehu nā tino e tokalahi nae ulufia e nā tēmoni. Na tuli e Iehu nā agaga kino ki fafo i he kupu ma fakamālōlō ki lātou uma nae tauale.

Luka 5:17

I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.

Luka 6:18

na ōmamai oi fakalogologo ki a Iehu, ma ke fakamālōlō ki lātou mai o lātou tauale. Na ōmamai ai foki ma nā tino nae āfāina i nā agaga kino, ma na fakamālōlō ai foki ki lātou uma.

Luka 9:11

I te lagonaga e nā tino te mea tēnei, oi mulimuli atu ai ki lātou ki a te ia. Na talia fiafia e ia te kaifenua, oi tautala atu ai ki ei e uiga ki te Mālō o te Atua, ma fakamālōlō ki lātou nae fia mālōlō mai o lātou tauale.

Ioane 14:12

E takutino atu e au ki a te koutou te meamoni, ko nā tino e talitonu mai ki a te au, ka ki lātou faia nā mea e kō faia; ma ka ki lātou faia nā mea e hili atu te lalahi, auā ko au e fano ki te Tamana.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

Gāluega 5:15

Ona ko nā mea a te kau apohitolo nae fai, na tahiki ai nā tauale ki luga o nā auala ma tuku ki luga o nā hofa ma nā epaepa, kae ke tau lava ko te ataata o Petelu ke pa ki luga o he vāega o ki lātou, kāfai e haele ake i te auala.

Gāluega 5:17

Oi lagona ai te lotokino lahi e te Ulu Ohitāulaga ma ona hoa uma, ni tino o te kau Hatukaio, ki te kau apohitolo;

1 Kolinito 12:9

Ko te Agaga foki lava tēnei e tahi te ia fōkia te fakatuatua ki tētahi tino, kae ki tētahi e ia fōkia ki ei te mana ke fakamālōlō ai nā tauale.

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.