Gāluega 5:12 - Tokelauan New Testament

¹² E lahi nā vāvega ma nā fakailoga na fai e te kau apohitolo i te mea nae i ei ia tagata. Ko nā tino uma lele kua talitonu ki a Iehu kua fakapotopoto fakatahi i te Poletito o Holomona.

Gāluega 5:12 ပူးပေါင်းရင်းမြစ်များ

Maleko 16:20

Oi olo ai nā hoko oi tālaki atu te Tala Lelei ki nā itū uma o te lalolagi; nae gālulue fakatahi foki ki lātou ma te Aliki, ma na fakamāonia te moni o ta lātou tālakiga i nā vāvega nae ki lātou faia.] [

Ioane 10:23

Ko Iehu nae havalivali i loto o te poletito e takua ko te Poletito o Holomona i loto o te Mālumalu,

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Gāluega 1:14

Nae maopoopo ho ki lātou oi tatalo fakatahi, ma nae i ei ai ma nā fafine vēnā ma Malia te mātua o Iehu ma nā uho o Iehu.

Gāluega 14:3

Na mataloa te taimi na nonofo ai nā apohitolo i kinā. Nae hē mātataku lele oi tautatala e uiga ki te Aliki, tē kua ia fakamāoniagia te moni o te lā fekau e uiga ki tona alofa tūnoa, e ala i te mana na ia tuku akea ki a te ki lāua ke fai ai nā vāvega ma nā mea ofoofogia.

Gāluega 16:18

E lahi lele nā aho na fai ai tana mea tēnei, ma kua fai ma mea e tīgā ai te loto o Paulo ma na māfuli atu ai oi lea vē atu ki te agaga kino, “I te igoa o Iehu Keliho e kō fakatonua atu ai koe ke hau loa ki fafo o te tautiti tēnā!” Ko te taimi lava tēnā na hau ai ki fafo o te tautiti te agaga kino.

Gāluega 19:11

Ma e i ei ni itūkāigā vāvega uiga kehe na fai e te Atua, e ala ia Paulo.

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 28:9

I te tupuga o te mea tēnā, oi ōmamai ai nā tino tauale uma i te fenua, ma na fakamālōlō uma ki lātou e ia.

Gāluega 3:11

Ka koi pipiki atu te pipili ki a Petelu ma Ioane i loto o te Poletito o Holomona, e vē ko te igoa nae fakaigoa ai e tagata, na ōfo lahi lele ia tagata ma na lolofi fakatahi mai ai ki a te ki lātou.

Gāluega 4:30

Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”

Gāluega 9:33

I kinā na fetaui ai ma he tino e igoa ki a Ainea, he tino nae mate ni vāega o tona tino ma kua kātoa te valu tauhaga e hē mafai ke fano kehe mai tona moega.

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

2 Kolinito 12:12

Ko te lahi o nā fakailoga ma nā mea ofoofogia e fakamāonia ai ko au ko he apohitolo, nae kō fakatinoa i te mea e i ei koutou ma toku onohai lahi.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.