Gāluega 5:11 - Tokelauan New Testament

¹¹ Ko te Ekalehia kātoa ma nā tino uma lele na fakalogo ki te mea tēnei, na mātataku lahi lele.

Gāluega 5:11 ပူးပေါင်းရင်းမြစ်များ

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Gāluega 2:43

E lahi nā vāvega ma nā fakailoga na fai e ala i te kau apohitolo, ma na mātataku lele ai ia tagata uma.

Gāluega 5:5

Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Epelu 11:7

Ko te fakatuatua o Noa te na mafai ai ke lagona e ia te fakatonuga a te Atua e uiga ki nā mea e hē ia kitea kae ka tutupu i he taimi i mua. Na uhitaki ki te Atua, oi fau ai e ia he vaka ma na fakaola ai ia ma tona kāiga. Ona ko te mea tēnei, na fakahalagia ai te lalolagi kae ona ko Noa na uhitaki ki te Atua, na talia ai ia e te Atua ko he tino e faia te mea e tonu.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”