Gāluega 4:5 - Tokelauan New Testament

⁵ I te aho alafaki, oi fakamāopoopo mai ai ki Ieluhalema nā takitaki o Iutaia, te kau toeaina, ma nā faiakoga o te Tūlāfono.

Gāluega 4:5 ပူးပေါင်းရင်းမြစ်များ

Maleko 15:1

I te taeaopō o te aho na hohoko ai na fono fakavave ai nā ohitāulaga hili ma nā toeaina, nā faiakoga o te Tūlāfono, ma te Taupulega kātoa, ma na fai ai te lātou tonu. Kua fakatonu e ki lātou ke noanoa ia Iehu ma takitaki kehe mai kinā, ma tukulima atu ki a Pilato ke fakamahino e ia.

Luka 20:1

I tētahi aho, e akoako atu ia Iehu ki tagata i loto o te Mālumalu ma folafola atu te Tala Lelei, kae ōmamai ki a te ia te kau ohitāulaga hili, nā faiakoga o te Tūlāfono ma te kau toeaina

Luka 22:66

Kua malama te taeao o te aho na hohoko ai, oi fono fakatahi ai ia toeaina, te kau ohitāulaga hili, ma nā faiakoga o te Tūlāfono, ma na kave ai ia Iehu ki mua o te Taupulega.

Luka 23:13

Kua fakapotopoto mai e Pilato nā ohitāulaga hili, nā takitaki o te Taupulega ma tagata,

Luka 24:20

Na tukulima atu ia e o mātou ohitāulaga hili ma o mātou takitaki, ke fakahala i te oti, oi fakahātaulo ai.

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina:

Gāluega 5:34

Kae kua tū ki luga hētahi o ki lātou, he Falehaio e igoa ki a Kamalielu, ma ko he faiakoga o te Tūlāfono e amanakia lahi lele e tagata uma. Kua fakatonu e ia ke kave ki fafo te kau apohitolo mo hina taimi,

Gāluega 6:12

Ko te fakakupuga tēnei na tīgā ai ia loto o tagata, nā toeaina ma nā faiakoga o te Tūlāfono. Oi puke ai e ki lātou ia Hetefano ma kave ki mua o te Taupulega.