Gāluega 4:34 - Tokelauan New Testament

³⁴ Ko nā mea uma nae manakomia e ki lātou, na maua e ki lātou. Ko nā tino nae i ei o lātou fale ma ni fenua, na fakatau atu e ki lātou ma ko te tupe na maua mai,

Gāluega 4:34 ပူးပေါင်းရင်းမြစ်များ

Mataio 19:21

Oi vāgana atu ai ia Iehu ki ei, “Kāfai koe e fia lelei kātoatoa, fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Maleko 10:21

Kua kikila hako atu ia Iehu ki te tamāloa ma tona alofa, oi lea vē atu ai ki ei, “Toe tahi lava la te mea ko hēki kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Luka 16:9

Oi toe vāgana atu ai ia Iehu, “Ko au la e lea atu ki a te koutou: Fai ni uō mā koutou e ala i nā koloa e maua i ni auala hē hako, kae kāfai la e uma te lātou aogā, ka talia koutou ki loto o te nofoaga e nonofo tūmau ai ke pa ki te fakavavau.

Luka 22:35

Oi fehili atu ia Iehu ki ona hoko, “I te kō uga atuga o koutou e aunoa ma he taga tupe, he ato malaga pe ni hēvae, e i ei nei he mea na fofou koutou ki ei kae e hēki koutou mauagia?” Kua tali mai ki lātou, “E hēki i ei lele he mea e fokotahi.”

Gāluega 2:45

Nae fai ma fakatau atu o lātou fenua ma a lātou meatōtino, ma fakahoahoa te tupe mā ki lātou fakatahi, fuafua ki o lātou manakoga tau tokatahi.

Gāluega 4:37

na fakatau atu e ia he fenua e o ia, oi kaumai ai te tupe oi fōki ki te kau apohitolo.

2 Kolinito 8:14

kae ona ko te koutou tūtūlelei i te taimi nei, kua tatau ai ke fehoahoani koutou ki nā tino e fia maua he fehoahoani. Oi ka faigōfie foki ke fehoahoani atu ki lātou, kāfai kua tūtūlelei ki lātou kae fia maua e koutou he fehoahoani. I te faiga tēnei, ka taufai tutuha uma koutou.

1 Tehalonia 4:12

Kā koutou faia nā mea tēnei, ka fakaaloalo atu ai foki ki a te koutou nā tino e hē talitonu ki te Atua, ma ka hē toe fakalagolago ai foki koutou ki he tino, e tuha ai ma nā mea e manakomia e koutou.

1 Timoteo 6:19

I te faiga tēnei, ka fakaputu ai e ki lātou mo ki lātou ni koloa, e fai ma fakavae mautū mo te lumanaki. Ma ka maua ai e ki lātou te ola, ko te ola moni ia.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.