Gāluega 4:22 - Tokelauan New Testament

²² Ko te taulealea na fakamālōlō e ala i te vāvega, kua hili atu i te fahefulu tauhaga tona matua.

Gāluega 4:22 ပူးပေါင်းရင်းမြစ်များ

Mataio 9:20

Nae i ei he fafine kua kātoa te hefululua tauhaga e tauale i te punatoto, na hau i tua o Iehu ma tago ki te pito o te kofu loloa o Iehu.

Luka 13:11

Ma nae i kinā he fafine, kua kātoa te hefulu valu tauhaga e fakapipili e he agaga kino. Na punou lahi lele ki lalo ma e hēki mafai ke toe tū hako ki luga.

Ioane 5:5

Nae i ei i kinā he tamāloa kua kātoa te tolu hefulu valu tauhaga talu te tauale.

Ioane 9:1

E havali atu ia Iehu kae ia kitea he tamāloa na fānau mai lava e tāuaho.

Gāluega 3:2

I kinā i te Faitotoka Gali, e vē ona fakaigoa ai e tagata, nae i ei ai he tino nae pipili i tona ōlaga kātoa. Ko aho uma e hauhau mai ai ki te faitotoka tēnei ke kaitagōgō tupe ai ki tagata e holo ki loto o te Mālumalu.

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

Gāluega 4:23

Na tatala fakahaoloto loa lava ia Petelu ma Ioane, oi na olo ai loa ki te lātou vāega ma taku ki ei te mea na lea ake ai nā ohitāulaga hili ma nā toeaina.

Gāluega 9:33

I kinā na fetaui ai ma he tino e igoa ki a Ainea, he tino nae mate ni vāega o tona tino ma kua kātoa te valu tauhaga e hē mafai ke fano kehe mai tona moega.