Gāluega 4:13 - Tokelauan New Testament

¹³ Na ofo nā tino o te Taupulega ki nā fakamatalaga a Petelu ma Ioane ona ko te hē mātataku, kae maihe lava i te ki lātou iloaga ko te toka lua tēnei e hē ni tino e lauiloa pe na akoakogia. Oi hāfia ai e ki lātou ko te toka lua tēnei nae ni hoa e o Iehu.

Gāluega 4:13 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Mataio 26:71

Oi fano ai ia Petelu ki te faitotoka o te lōtoā, kae hau tētahi kaukauna fafine ma kua ia kitea ia Petelu, oi lea vē ai kinā tino nae tutū i kinā, “Ko te tino tēia nae fakatahi ma Iehu te Nahaleta.”

Mataio 26:73

I he taimi mulimuli ake, oi ōmamai ai nā tino nae tutū i kinā ma lea vē atu ki a Petelu, “E hako lava ko koe ko he tino e o te vāega tēia. E ki mātou matea i tō hikuleo!”

Luka 22:8

Oi uga ai e Iehu ia Petelu ma Ioane ma te fakatonuga tēnei, “Olo oi tapena te kaiga o te Pāheka ke kakai ai ki tātou.”

Ioane 19:26

I te kitea atuga e Iehu o tona mātua ma te hoko e hili tona alofa ki ei e tutū mai, oi lea vē atu ai ki tona mātua, “Ko tō ataliki te ia.”

Ioane 7:15

Na ofo lele nā takitaki o Iutaia ma lea vē, “E vēhea ona iloa e te tagata nei te lahi o nā mea iēnei, kae ko he tino e hēki pa lele ki ni akoakoga?”

Ioane 7:49

Ko te kaifenua tēnei, e hē ki lātou iloa he mea e uiga ki te Tūlāfono a Mohe. Kae e hē āfāina meamanū kua fakamālaiagia ki lātou.”

Gāluega 4:14

Kae kua hēai lele ha lātou kupu e mafai ke fai, auā kua ki lātou kitea atu ko te taulealea na fakamālōlō, e tutū fakatahi mai ma ki lāua.

Gāluega 4:19

Ka kua tali atu ia Petelu ma Ioane, “E tatau ke fuafua e koutou pe ko tēfea te mea e hako i te kikila a te Atua — pe ko te uhitaki atu ki a te koutou, pe ko te uhitaki ki te Atua.

Gāluega 4:29

Ma i te taimi nei te Aliki, kikila ki a lātou kupu fakamataku kua fai mai ki a te ki mātou, ma fōki mai ki au kaukauna te avanoa ke folafola ai e ki mātou tau fekau, e aunoa ma he mataku.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Gāluega 9:27

Kae na fehoahoani ia Panapa ki a Haulo, ma na ia kavea ke feiloaki ma te kau apohitolo. Na fakamālamalama e ia ki a te ki lātou te kiteaga e Haulo o te Aliki i luga o te auala, ma te tautalaga o te Aliki ki ei. Na ia takua foki ki a te ki lātou te hē mataku o Haulo oi tālaki i te igoa o Iehu, ki tagata i Tamaheko.

Gāluega 9:28

Ma na nofo ai loa ia Haulo fakatahi ma ki lātou, ma na olo ki itū uma o Ieluhalema ma tālaki atu ma te hē mātataku, i te igoa o te Aliki.

1 Kolinito 1:27

Na filifili lava e te Atua te mea e talitonu te lalolagi e valea, kae ke takuvalea ai nā tino popoto, ma na filifili e ia te mea e talitonu te lalolagi e vāivai, kae ke takuvalea ai nā tino e i ni tūlaga mālolohi.

1 Kolinito 14:25

ka kaumai ki fafo mai o lātou loto o lātou manatunatuga lilo, ma ka fakapakukū ki o lātou tulivae ma ifo ki te Atua ma ta lātou takutinoga, “E moni lava ko te Atua e i kinei fakatahi ma koutou!”

2 Kolinito 3:12

Ona kua ia te ki mātou he fakamoemoe vēnei, kua maua ai e ki mātou te loto mālohi.