Gāluega 4:1 - Tokelauan New Testament

¹ Koi tautatala atu ia Petelu ma Ioane ki tagata kae taunuku mai ni ohitāulaga, te takitaki o nā leoleo o te Mālumalu, ma iētahi o te kau Hatukaio.

Gāluega 4:1 ပူးပေါင်းရင်းမြစ်များ

Mataio 16:12

Oi na fātoā mālamalama ai te kau hoko e hē ko te fefete e fakafefete ai te falaoa tēia e lea ake ai ia Iehu ke fakaeteete ai, ka ko nā akoakoga a te kau Falehaio ma te kau Hatukaio.

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 27:20

Kua tauanau e nā ohitāulaga hili ma te kau toeaina te kaifenua, ke lea ki a Pilato ke tatala ake ia Palapa, kae ke tāmate ia Iehu.

Mataio 27:41

Kua vēnā foki oi fakatauemu nā ohitāulaga hili, nā faiakoga o te Tūlāfono ma te kau toeaina ki a Iehu ma lea vē,

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Luka 20:1

I tētahi aho, e akoako atu ia Iehu ki tagata i loto o te Mālumalu ma folafola atu te Tala Lelei, kae ōmamai ki a te ia te kau ohitāulaga hili, nā faiakoga o te Tūlāfono ma te kau toeaina

Luka 22:4

Oi fano ai ia Iuta oi lea ki nā ohitāulaga hili fakatahi ma nā takitaki o nā leoleo o te Mālumalu, e ia mafai oi fakalata ia Iehu.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 18:3

Oi fano ai ia Iuta ki te fatoaga ma kave he vāega o ni fitafita Loma fakatahi ma ni leoleo o te Mālumalu, na uga e nā ohitāulaga hili ma te kau Falehaio. Na kave a lātou meatau ma a lātou mōlī matagi ma nā mōlī lama.

Gāluega 4:6

Kua fono fakatahi ki lātou ma Anaha te Ulu Ohitāulaga, vēnā ma Kaiafa, ma Ioane, ma Alehana, ma iētahi tino uma mai te puikāiga Ulu Ohitāulaga.

Gāluega 5:17

Oi lagona ai te lotokino lahi e te Ulu Ohitāulaga ma ona hoa uma, ni tino o te kau Hatukaio, ki te kau apohitolo;

Gāluega 5:24

I te lagona atuga e te takitaki o nā leoleo o te Mālumalu vēnā ma te kau ohitāulaga hili te mea tēnei, oi taumafai ai ke ki lātou iloa pe ko he ā te na tupu ki te kau apohitolo.

Gāluega 5:26

Na olo ai loa te takitaki o nā leoleo ma tana vāega oi toe kaumai te kau apohitolo. Kae e hēki ki lātou honafaia te kau apohitolo ona e mātataku nā ki lātou e fetogia e tagata.

Gāluega 6:12

Ko te fakakupuga tēnei na tīgā ai ia loto o tagata, nā toeaina ma nā faiakoga o te Tūlāfono. Oi puke ai e ki lātou ia Hetefano ma kave ki mua o te Taupulega.

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.