Gāluega 3:23 - Tokelauan New Testament

²³ Ho he tino e hē fakalogo ki te mea e lea atu ai te pelofeta tēnā, ka fakateka kehegia ia mai tagata o te Atua, ma fakaumatia.’

Gāluega 3:23 ပူးပေါင်းရင်းမြစ်များ

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 8:24

Ko te mea ia na lea atu ai au, ko koutou ka feoti ma autou agahala. Ma ka feoti koutou ma autou agahala kāfai koutou e hē talitonu ‘Ko Au Ko Au Lava Au.’ ”

Gāluega 2:41

E tokalahi na talitonu ki tana fekau ma na papatihogia, ma na maua te tai toluafe o ki lātou na fakaopoopo ki te vāega kua talitonu, i te aho tēnā.

Epelu 10:39

Ko ki tātou e hē ni tino e toe liliu kehe ma fakaumatiagia. Kae ko ki tātou e talitonu ki te Atua, ma e fakaolagia.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.