Gāluega 3:2 - Tokelauan New Testament

² I kinā i te Faitotoka Gali, e vē ona fakaigoa ai e tagata, nae i ei ai he tino nae pipili i tona ōlaga kātoa. Ko aho uma e hauhau mai ai ki te faitotoka tēnei ke kaitagōgō tupe ai ki tagata e holo ki loto o te Mālumalu.

Gāluega 3:2 ပူးပေါင်းရင်းမြစ်များ

Luka 16:20

Ma nae i te faitotoka ki tona fale he tino mativa e igoa ki a Lahalo, nae papala kātoa tona tino,

Luka 18:35

Kua tāli pa atu ia Iehu ki Ieliko, oi tau atu ai ki he tamāloa tāuaho e nofo i tafa o te auala, ma kaitagōgō ki tagata e holo ake i te auala.

Ioane 9:8

Ko nā tuākoi o ia, ma nā tino na ki lātou kiteagia te tamāloa nae māhani oi kaitagōgō, kua fehili vē, “E hē ko te tagata tēnei te nae māhani oi nofo ma kaitagōgō?”

Gāluega 10:31

ma lea vē mai, ‘Konelio! Kua lagona e te Atua au tatalo, ma ia kitea au gāluega alofa ki tagata mātitiva.

Gāluega 10:4

Na pupula ki ei ona mata ona ko tona mataku, oi lea vē atu ai ki ei, “Te aliki, e i ei he mea e fofou koe ki ei?” Kua tali mai te agelu, “Kua lagona e te Atua au tatalo ma ia kitea au gāluega alofa ki tagata mātitiva, ma kua hāuni ke tali atu ki a te koe.

Gāluega 14:8

Nae i Luotala he tamāloa nae pipili talu te fānau mai, ma e hēki mafai lele ke havali.

Gāluega 3:10

ma i te matea atuga e ki lātou ko te tino tēnei ko te pipili nae nofo i te Faitotoka Gali ma kaitagōgō ki tagata, na matuā tēteki lele ma ōfo ki te mea kua tupu ki ei.

Gāluega 4:22

Ko te taulealea na fakamālōlō e ala i te vāvega, kua hili atu i te fahefulu tauhaga tona matua.