Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gāluega 3:13 - Tokelauan New Testament

13 Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

အခန်းကိုကြည့်ပါ။ ကော်ပီ




Gāluega 3:13
46 ပူးပေါင်းရင်းမြစ်များ  

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.


ma tukulima atu ki tagata nukukehe ke ki lātou tauemua, ma kini, ma fakahātaulo; ma ka toe fakatū mai ai i te oti, i tona tolu o aho.”


‘Ko au ko te Atua o Apelaamo, te Atua o Ihaako, ma te Atua o Iakopo.’ Ko ia ko te Atua o tagata ola kae hē o tagata oti.”


Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.


Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.


Kae kua fakaoho e te kau ohitāulaga hili te kaifenua, ke lea ki a Pilato ke tatala ake ia Palapa ki a te ki lātou.


Kae kua fakafiti ia Petelu, ma lea vē atu, “Te māfine, e hē kō iloa te tino tēnā!”


Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”


“Nahe koutou fakamahino atu ki iētahi tino, oi hē fakamahinoa ai foki koutou e te Atua; nahe koutou fakahalagia iētahi tino, oi hē fakahalagia ai foki koutou e te Atua; fakamāgalo iētahi tino, oi fakamāgalo ai foki koutou e te Atua.


E hēki mālamalama nā hoko o ia i te mea tēnei i te taimi tēnā; kae i te fakatū akega o Iehu ki tona mamalu, na manatua ai e ki lātou ko te tuhituhiga paia na lea mai vēnei e uiga ki a te ia, ma ko nā mea iēnei na fai e ki lātou mo ia.


Kua taukalalaga mai ki lātou, “Hēai, e hē ko ia. Ko ki mātou e fofou ki a Palapa.” (Ko Palapa ko he tino kaihohoa.)


Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”


Kua lagona atu e Pilato nā kupu iēnei, oi taumafai ai ki he auala ke tatala ai ia Iehu. Kae kua taukalalaga mai ki ei nā tino Iutaia, “Kāfai e kē fakahaolotoa te tagata tēnā, ko koe la e hē ko he uō e a Kaihala te tupu! Ko te tino e lea ko ia he tupu, ko te tino tēnā e teteke ki a Kaihala.”


Ka kua taukalalaga mai ki lātou, “Tāmate te tino tēnā! Tāmate te tino tēnā! Fakahātaulo te tino tēnā!” Kua fehili atu ia Pilato, “Ko koutou e fofou ke fakahātaulo e au te koutou tupu?” Kua tali mai nā ohitāulaga hili, “E fokotahi oioti lava to mātou tupu ko Kaihala.”


Ko te kupu tēnei a Iehu na fai fakatatau ki te Agaga Paia, tēia na tuku e maua e nā tino kua talitonu. I te taimi tēnā, ko hēki tuku atua e te Atua te Agaga Paia, auā ko Iehu ko hēki hiki akea ki tona mamalu.


Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.


Kae ko au e io atu ki a te koe i te mea tēnei: Ko au e tāpuaki ki te Atua o nā tupuna o ki mātou, e ala i toku mulimuli ki te Ala o te Aliki, tēia e lea ki lātou e hehē. Ko au foki e talitonu ki nā mea uma e tūhia i te Tūlāfono a Mohe, vēnā ma nā tuhi a te kau pelofeta.


Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?


Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”


Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.


Fālō atu tō lima ke fakamālōlō ai ia tagata, ma ke mafai ke fai ni fakailoga ma ni vāvega e ala i te igoa o tau Kaukauna paia ko Iehu.”


‘Ko au ko te Atua o nā tupuna o koe, te Atua o Apelaamo, o Ihaako, ma Iakopo.’ Na tete ia Mohe i te mataku, ma e hēki fofou ke kikila ki ei.


na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.


Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.


Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.


ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ