Gāluega 3:12 - Tokelauan New Testament

¹² Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?

Gāluega 3:12 ပူးပေါင်းရင်းမြစ်များ

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Gāluega 2:22

“Koutou nā tino o Ihalaelu, fakalogo mai ki nā kupu iēnei! Ko Iehu te Nahaleta, ko he tino na filifilia e te Atua e vē ona fakaali tino atu ki a te koutou, e ala i nā gāluega mamana, nā vāvega, ma nā fakailoga na fai e te Atua kui mai ia te ia. E iloa lelei lava e koutou te mea tēnei, auā ko nā mea iēnei na tutupu lava i kinei i te mea e i ei koutou.

Gāluega 3:11

Ka koi pipiki atu te pipili ki a Petelu ma Ioane i loto o te Poletito o Holomona, e vē ko te igoa nae fakaigoa ai e tagata, na ōfo lahi lele ia tagata ma na lolofi fakatahi mai ai ki a te ki lātou.

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Loma 11:1

Ko taku fehili: Na teteke nei e te Atua ona lava tagata? E hēai! Ko au foki ko he Ihalaelu, he lāpuna e o Apelaamo, mai te puikāiga o Peniamina.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

Fakaaliga 7:13

Kua fehili mai vē tētahi o toeaina ki a te au, “Ko ai nā tino iēnei e kokofu i nā kofu papae, ma ko fea te ōmamai ai?”