Gāluega 28:3 - Tokelauan New Testament

³ Na ao mai e Paulo he fakaputuga mealākau ma e tuku atu e ia ki luga o te afi, kae totolo mai ki fafo he gata mai loto o te fakaputuga mealākau ona ko te vevela, ma kati tona lima ma mau ai lava ki ei.

Gāluega 28:3 ပူးပေါင်းရင်းမြစ်များ

Mataio 12:34

Ko koutou e vē ko fānau a gata — e tautatala vēhea koutou ki ni mea lelei ka ko koutou e kino? Auā e tautala te gutu i nā mea e tumu ai te loto.

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Gāluega 28:2

Na alofagia ki mātou e tagata o te fenua. Na kāmata oi ua ma mālūlū, oi tafu ai e ki lātou he afi ma tali lelei ki mātou.

Gāluega 28:4

Kua kitea atu e nā tino o te fenua te gata e tautau i te lima o Paulo, oi lea vē ai tētahi ki tētahi, “Ko te tagata nei hōvē he tino tāmate tino, ka ko te atua o te faimeatonu ka he ia fakahaoagia ia, e tuha lava pe na hao mai i te tai.”

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 6:9

Ko ki mātou e vē ni tino e hē iloa e tagata, oi kae e iloa e tagata uma ki mātou; e vē ki mātou ni tino kua feoti, kae e vē oi koutou kitea, ko ki mātou e ola lava. E ui e kini ki mātou, kae e hē oti ai ki mātou;