Gāluega 27:6 - Tokelauan New Testament

⁶ Ko kinā na maua ai e te takitaki o te vaegākau Loma he vaka mai Alehania ka folau ki Italia, oi fakaeke ai loa ki mātou ki luga.

Gāluega 27:6 ပူးပေါင်းရင်းမြစ်များ

Gāluega 18:2

I kinā, na fetaui ai ma he tino Iutaia e igoa ki a Akula, na fānau i Ponitoho, ma na fātoā ōmamai i Italia ma tana āvaga ko Pihila, ona ko te fakatonuga a Kaihala Kalautiona, ko nā tino Iutaia uma i Loma ke olo kehe. Na fano ia Paulo oi fakahula ki ei,

Gāluega 18:24

I te taimi tēnā na fano ai ki Efeho ia Apolo, he tino Iutaia na fānau i Alehania. He tino poto tautala, ma mālamalama lelei i nā Tuhituhiga Paia.

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 28:11

E tolu māhina na nonofo ai ki mātou i kinā, oi malaga ai ki mātou i luga o he vaka mai Alehania e igoa ko “Te Māhaga Atua”, nae fakatalitali i te motu ke uma te taumālūlū.

Gāluega 6:9

Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.