Gāluega 27:4 - Tokelauan New Testament

⁴ Na fakaauau te mātou malaga mai kinā, kae ona ko te matagi e nofo mai i te muāvaka, ko te mea ia na kui ai ki mātou i te itū ki lalo o te motu ko Kupulona.

Gāluega 27:4 ပူးပေါင်းရင်းမြစ်များ

Mataio 14:24

ka ko te taimi tēnā ko te vaka kua mamao atu ki loto o te vai ma e tuki e galu, auā ko te matagi e hau tonu lava i te muāvaka.

Maleko 6:48

Kua ia kitea atu te fītatā o ona hoko i te tau aloga o to lātou vaka, ona ko te matagi e hau tonu lava i te muāvaka. I te va o te tolu ki te ono i te vaveao, na fanaifo ai ia Iehu ki nā hoko o ia, e havali i luga o te kilitai. Na fofou ke ia fakahaoa te vaka,

Luka 8:22

I tētahi aho na hopo ai ia Iehu ki luga o he vaka fakatahi ma ona hoko, oi lea vē atu ai ki ei, “Tātou olo ki tētahi itū o te vaitūloto.” Oi kāmata ai kua fano to lātou vaka.

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 21:16

Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.

Gāluega 21:3

Kua pa atu ki mātou ki he kogāmoana e kitea atu ai ia Kupulona, oi fakatū ai to mātou vaka ki haute mai kinā agai atu ki Hulia. Na olo ki mātou ki gāuta i Tulo, ma ko kinā na tuku e laku ake ai ki gāuta te uta a te vaka.

Gāluega 27:7

E faitau aho nae tele mālie lele ai to mātou vaka ona ko te matagi nae nofo mai i te muāvaka, ma na taunuku atu ki gātai o te kakai ko Kinito. E hēki toe mafai ki mātou ke hēleka ki mua i te itū tēnā ona ko te matagi, oi na fakaheke ifo ai ki mātou ki te itū loki o te motu ko Kelete, ma teka ma te Matāfenua ko Halamone.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),