Gāluega 27:1 - Tokelauan New Testament

¹ I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 27:1 ပူးပေါင်းရင်းမြစ်များ

Mataio 27:54

I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Luka 23:47

Kua kitea atu e te takitakikau o te toka helau te mea kua tupu, oi viviki ake ai ki te Atua, ma lea vē, “E hako lava, ko te tino tēnei e hēai hana holitūlāfono!”

Luka 7:2

Nae i kinā he takitakikau Loma, e i ei hana kaukauna fakamoemoegia lahi nae tauale ma kua tāli oti.

Gāluega 10:1

Nae i ei he taulelea i Kaihaleia e igoa ki a Konelio, he takitaki o he tokahelau fitafita i te vaegākau a Loma e takua ko te “Vaegākau mai Italia.”

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 18:2

I kinā, na fetaui ai ma he tino Iutaia e igoa ki a Akula, na fānau i Ponitoho, ma na fātoā ōmamai i Italia ma tana āvaga ko Pihila, ona ko te fakatonuga a Kaihala Kalautiona, ko nā tino Iutaia uma i Loma ke olo kehe. Na fano ia Paulo oi fakahula ki ei,

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 21:32

Na kave loa lava e te takitakikau ni fitafita ma ni ofiha i te taimi tēnā, ma fetutuli ki te mea e i ei kaifenua. I te kitea maiga e te kaifenua te takitakikau ma nā fitafita, oi na tāofi ai loa te kiniga o Paulo.

Gāluega 22:26

Kua lagona atu e te ofiha te kupu tēnei, oi fano ai oi fehili vē ki te takitakikau, “He ā ta koe kua fai? Ko te tino tēia ko he tagatānuku Loma!”

Gāluega 23:11

I te pō tēnā, na tū ai te Aliki i tafa o Paulo ma vāgana vē atu ki ei, “Ia koe nā mataku! E vē ona molimau koe e uiga ki a te au i kinei i Ieluhalema, e tatau foki ke kē faia te mea tēnei i Loma.”

Gāluega 23:17

Oi kalaga ai ia Paulo ki hētahi o nā ofiha ma lea vē atu ki ei, “Kave te taumalo tēnei ki te takitakikau; e i ei te mea e fia lea ai ki ei.”

Gāluega 24:23

Oi fakatonu ai e ia te ofiha e kikilagia ia Paulo, ke leoleo pea ia Paulo kae ke tuku ki ei ni fakatagaga i loto o te falepuipui, ma ke fakataga foki ana uō ke fehoahoani ki ei i ho he mea e ia fia mauagia.

Gāluega 25:12

Ina kua uma te talanoa o Fehetone ki ana tino faufautua, oi tali vē atu ai, Ko koe kua fakatagi mai ke kave koe ke fakamahino e te Kaihala, oi ko koe ka kave ki te Kaihala.

Gāluega 25:25

Kae e hēai he mea na kō maua na ia faia, e tatau ai ke fakahala i te oti. Kae ona kua fakatagi mai ko ia ke kave ke fakamahino e te Kaihala, kua tonu ai ia te au ke kave ki ei.

Gāluega 27:11

Kae ko te takitaki o te vaegākau kua talitonu lava ki te kupu a te alikivaka ma te tino e o ia te vaka, kae kua hē fakalogo ki te mea e lea ai ia Paulo.

Gāluega 27:43

Kae na fofou te takitaki o te vaegākau ke fakahao ia Paulo, oi na ia tāofia ai te lātou tonu na fai. Ka kua fakatonu e ia nā taulelea uma e iloa kakau ke tūtaoho muamua ki te tai oi kakau ki gāuta;

Gāluega 27:6

Ko kinā na maua ai e te takitaki o te vaegākau Loma he vaka mai Alehania ka folau ki Italia, oi fakaeke ai loa ki mātou ki luga.

Gāluega 28:1

Kua taunuku haogalēmū ake ki mātou ki gāuta, oi ki mātou iloa ai ko te igoa o te motu tēnei ko Melite.

Gāluega 28:16

I te taunuku atuga o ki mātou ki Loma, na fakataga ia Paulo ke nofo nā ko ia kae leoleo e he fitafita auā ei na hola kehe.

Epelu 13:24

Momoli atu o mātou alofaaga ki nā takitaki o koutou ma tagata uma o te Atua. E momoli atu foki nā alofaaga mo koutou mai nā tino kua talitonu ki te Atua i Italia.