Gāluega 26:2 - Tokelauan New Testament

² “Te Tupu ko Akalipa! E manatu au ko au e aloā e laki auā i te aho nei, ko au ka tali atu i mua o koe, e tuha ai ma nā mea uma kua mōlia ai au e nā tino Iutaia iēnei,

Gāluega 26:2 ပူးပေါင်းရင်းမြစ်များ

Mataio 10:19

Kāfai koutou e kave e ki lātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; ka pa ki te taimi tēnā, ka fōki atu lava ki a te koutou nā kupu ke tautatala ai koutou.

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Luka 21:12

Kae ko hēki tutupu nā mea uma iēnei, ko koutou ka puke ma fakahāuāgia; ka tuku atu koutou ke fakamahino i loto o nā hūnako, ma tuku ki loto o nā falepuipui; ka kave koutou ki mua o nā tupu ma nā kōvana, ona ko au.

Gāluega 25:26

Kae e hēai he mea e mautinoa e tuha ai ma tona mōliga, ke tuhi ki lalo mo te Kaihala. Ko te mea ia kua kō kaumaia ai ia ki outou mua — kae maihe lava ki mua o koe te Tupu ko Akalipa! — kae ke maua ai he fakamatalaga ke fakamau ki lalo, kāfai e uma te hukehuke o ia.

Gāluega 26:1

Kua lea atu ia Akalipa ki a Paulo, “Kua tuku atu te fakatagaga ke tautala ai koe.” Na fālō atu te lima o Paulo ma tali atu vēnei:

Gāluega 26:19

“Ko te mea la ia te Tupu ko Akalipa, ko au na uhitaki ki te fakaaliga na kō maua mai te lagi.

Gāluega 26:26

Akalipa te Tupu! E mafai au ke tautala vēnei atu ki a te koe auā kua iloa e koe nā mea iēnei. E mautinoa e au kua mātau e koe nā mea takitahi uma iēnei, auā ko te mea tēnei e hēki tupu i he mea pōuli.

Gāluega 26:3

kae maihe lava, auā kua mālamalama lelei lava koe i nā tu a Iutaia ma nā fekehekeheakiga o ki lātou tau tokatahi. Ko au la e fakatagi atu ko koe ke onohai mai ma fakalogologo ki te mea ka lea atu ai au.

Gāluega 26:7

ko tēnei tonu lava te mea e fakamoemoe ia tagata o nā puikāiga e hefululua o Ihalaelu ke ki lātou mauagia, ka koi tāpuaki pea lava ki lātou ki te Atua i te ao ma te pō. Ona ko te fakamoemoe tēnei, Tau Afioga te Tupu, kua mōlia ai au e nā tino Iutaia iēnei!