Gāluega 24:12 - Tokelauan New Testament

¹² E hēki maua au e nā tino Iutaia e fai fīnauga ma he tino e fokotahi i loto o te Mālumalu, pe na ki lātou maua au e fakatupu vevehi ki tagata i loto o nā hūnako, pe i ho he koga i loto o te kakai.

Gāluega 24:12 ပူးပေါင်းရင်းမြစ်များ

Maleko 9:14

Kua pa ifo ki lātou ki lalo ki te mea e i ei iētahi hoko o ia, oi kitea ai e ki lātou he kaifenua tokalahi i kinā ma ni faiakoga o te Tūlāfono e fai fīnauga ma ona hoko.

Ioane 18:21

He ā la te fehilihili mai ai koutou ki a te au? Fehili ki nā tino na fakalogo ki nā mea na lea ake ai au ki a te ki lātou — e ki lātou iloa nā mea na lea ai au.”

Gāluega 24:18

Ko koi fai e au te mea tēnei i te Mālumalu, kae maua ake au e ki lātou ka kua uma ai te fakataunuku e au o te hāuniga o te fakamamāgia. Nae hēai he kaifenua nae i ei ma au, nae hēai foki he vevehi.

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 25:8

Ka kua tali vēnei atu ki ei ia Paulo: “E hēai haku mea e fokotahi kua fai e hē tuha ma te Tūlāfono a Iutaia, pe teteke ai ki te Mālumalu pe ko te Kaihala o Loma.”

Gāluega 28:17

Kua teka nā aho e tolu, oi kalaga ai e Paulo he lātou fono ma nā takitaki Iutaia i Loma. I te maopoopo maiga, oi lea vē atu ai ki ei, “Te kau uho, e ui lava e hēai haku mea hehē na fai ki o tātou tagata pe ki nā tū na ki tātou maua mai o tātou tupuna, ko au na fai ma pagotā i Ieluhalema, ma tukulima atu ki nā tino Loma.