Gāluega 22:5 - Tokelauan New Testament

⁵ E mafai ke fakamāonia e te Ulu Ohitāulaga ma te Taupulega kātoa, te mea tēnei kua lea atu ai au. Na fōki mai e ki lātou ki a te au ni tuhi na tuhi ki nā uho Iutaia i Tamaheko, ma na fano ai au ki kinā ma toku fakamoemoe ke puke e au nā tino iēnei ma noanoa, oi kaumai ai ki Ieluhalema ke fai ai o lātou fakahalaga.

Gāluega 22:5 ပူးပေါင်းရင်းမြစ်များ

Luka 22:66

Kua malama te taeao o te aho na hohoko ai, oi fono fakatahi ai ia toeaina, te kau ohitāulaga hili, ma nā faiakoga o te Tūlāfono, ma na kave ai ia Iehu ki mua o te Taupulega.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Gāluega 2:29

“Te kau uho, e tatau ke fakamanino atu e au e uiga ki to tātou tupuna takutakua, te Tupu ko Tavita. Ko Tavita na oti ma na tanu, ma ko tona tugamau e i kinei lava ke pa mai ki te aho nei.

Gāluega 22:1

“Te kau uho ma oku tamana Iutaia, fakalogo mai ake ke fai atu taku fakamatalaga, ke kitea ai e koutou e hēai haku mea hehē na fai!”

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 23:6

Kua kitea atu e Paulo ko iētahi tino o ki lātou ni Falehaio ma ko iētahi ni Hatukaio, oi kalaga atu ai i loto o te fono, “Oku uho Ihalaelu! Ko au he Falehaio, te ataliki o ni Falehaio. Ko au e i mua o te fakamahinoga tēnei, ona ko toku fakamoemoe mautinoa, ko nā tino kua oti ka toe fakatutū e te Atua ki te ola!”

Gāluega 26:10

Ko tēnā te mea na fai e au i Ieluhalema. Na tuku mai e te kau ohitāulaga hili te pule ki a te au, ma na kō tukua ai te tokalahi o tagata o te Atua ki te falepuipui; ma kāfai nā tino iēnei e fakahala oti, oi nae lagolago foki e au ke fakahala vēnā.

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 26:12

“Ko te māfuaaga ia na fano ai au ki Tamaheko ma te pule ma te fakatonuga mai te kau ohitāulaga hili.

Gāluega 28:17

Kua teka nā aho e tolu, oi kalaga ai e Paulo he lātou fono ma nā takitaki Iutaia i Loma. I te maopoopo maiga, oi lea vē atu ai ki ei, “Te kau uho, e ui lava e hēai haku mea hehē na fai ki o tātou tagata pe ki nā tū na ki tātou maua mai o tātou tupuna, ko au na fai ma pagotā i Ieluhalema, ma tukulima atu ki nā tino Loma.

Gāluega 28:21

Oi lea vē atu ai ki lātou ki a Paulo, “E hēki maua e ki mātou ni tuhi mai Iutea e uiga ki a te koe, oi e hēai foki he tino o nā tino o ki tātou na ōmamai mai kinā e hau ma he tala, pe he fakamatalaga e fakakino ai tō igoa.

Gāluega 3:17

“Ko te mea ia oku uho Ihalaelu, e iloa e au ko te mea a koutou ma outou takitaki na fai ki a Iehu, na māfua ona ko koutou e hē mālamalama.

Gāluega 4:5

I te aho alafaki, oi fakamāopoopo mai ai ki Ieluhalema nā takitaki o Iutaia, te kau toeaina, ma nā faiakoga o te Tūlāfono.

Gāluega 5:21

Na uhitaki lava ki ei te kau apohitolo, ma na olo ai i te taeaopō ki loto o te Mālumalu ma kāmata oi akoako atu ki tagata. Oi fakamāopoopo ai e te Ulu Ohitāulaga ma ona hoa te kau toeaina uma o Iutaia mo he fono a te Taupulega kātoa, ma kave ai te lātou fakatonuga ki te falepuipui ke kaumai te kau apohitolo ki o lātou mua.

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

Kalatia 1:13

Kua fakalogo koutou ki te ōlaga nae ola ai au ka koi i ei au i te tāpuakiga Iutaia, ki aku fakahāuāga nae fai ki te Ekalehia a te Atua, ma aku taumafaiga ke fakauma.

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.

1 Timoteo 4:14

Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.