Gāluega 22:3 - Tokelauan New Testament

³ “Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Gāluega 22:3 ပူးပေါင်းရင်းမြစ်များ

Luka 10:39

E i ei te taina o Mafa e igoa ki a Malia, kua nofo ki lalo i tafa o nā vae o te Aliki ma fakalogologo ki ana akoakoga.

Luka 2:46

Ko tona tolu o aho na maua ai e ki lāua ia Iehu i te Mālumalu, e nofo i te mea e i ei nā faiakoga, e fakalogologo ki ei, ma fai ki ei ana fehili.

Luka 8:35

Oi olo ai ia tagata oi kikila ki te mea na tupu, ma i te tau atuga o ki lātou ki a Iehu, na ki lātou maua atu te tamāloa na olo kehe mai ai nā tēmoni, e nofo i tafa o nā vae o Iehu, kua fai ona kofu ma kua lelei tona māfaufau; oi na mātataku uma ai ki lātou.

Gāluega 11:25

Oi fano ai ia Panapa ki Taheha oi hakili ia Haulo.

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Gāluega 21:20

Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

Gāluega 21:39

Kua tali atu ia Paulo, “Ko au he Iutaia, na fānau i Taheha i Kilikia, ma ko he tagatānuku o he kakai tāua lahi. Fakamolemole tuku mai he avanoa ke fai ai haku kupu ki nā tino.”

Gāluega 23:34

Kua faitau te tuhi e te kōvana, oi fehili ai ki a Paulo pe ko te fea te itūmālō e hau ai ia. I te ia iloaga ko Paulo e hau mai Kilikia,

Gāluega 23:6

Kua kitea atu e Paulo ko iētahi tino o ki lātou ni Falehaio ma ko iētahi ni Hatukaio, oi kalaga atu ai i loto o te fono, “Oku uho Ihalaelu! Ko au he Falehaio, te ataliki o ni Falehaio. Ko au e i mua o te fakamahinoga tēnei, ona ko toku fakamoemoe mautinoa, ko nā tino kua oti ka toe fakatutū e te Atua ki te ola!”

Gāluega 26:5

Kua uma te ki lātou iloa, pe kāfai e loto ke molimau ki lātou ki nā mea iēnei. Mai te kāmataga maiga lava, ko au na ola ake ma kavea ma hētahi o te vāega e pito hili te tauhihi ki nā talitonuga o te tātou tāpuakiga, te kau Falehaio.

Gāluega 26:9

“Na pa foki lava au ki te lagona ko au ke teteke mālohi ki te igoa o Iehu te Nahaleta.

Gāluega 5:34

Kae kua tū ki luga hētahi o ki lātou, he Falehaio e igoa ki a Kamalielu, ma ko he faiakoga o te Tūlāfono e amanakia lahi lele e tagata uma. Kua fakatonu e ia ke kave ki fafo te kau apohitolo mo hina taimi,

Gāluega 6:9

Kae nae teteke ki ei ni taulelea mai te hūnako o Tagata kua Fakahaolotogia (e vē oi fakaigoa ai), ma e aofia ai nā tino Iutaia mai Kulene ma Alehania. Ko ki lātou iēnei fakatahi ma iētahi tino Iutaia mai nā kogāfenua o Kilikia ma Ahia, kua kāmata oi fai fīnauga ma Hetefano.

Gāluega 9:1

I te taimi tēnā, koi fai lava ia hāuāga a Haulo ma fakamataku e ia i te oti, nā tino kua talitonu ki te Aliki. Kua fano ki te Ulu Ohitāulaga

Gāluega 9:11

Kua vāgana atu te Aliki ki ei, “Hāuni oi fano ki te auala e igoa ko te Auala Hako, ma i te fale o Iuta, lea ki ei ko koe e fia feiloaki ki he taulealea mai Taheha e igoa ki a Haulo. Ko te taulealea e tatalo,

Gāluega 9:30

I te iloaga o te mea tēnei e nā tino kua talitonu, oi kave ai e ki lātou ia Haulo ki Kaihaleia, ma uga ai ke fano ki Taheha.

Loma 11:1

Ko taku fehili: Na teteke nei e te Atua ona lava tagata? E hēai! Ko au foki ko he Ihalaelu, he lāpuna e o Apelaamo, mai te puikāiga o Peniamina.

2 Kolinito 11:22

Ni tino Epelu nei ki lātou? E vēnā foki au. Ni tino Ihalaelu nei ki lātou? E vēnā foki au. Ni lāpuna nei ki lātou e o Apelaamo? E vēnā foki au.

Kalatia 1:14

Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

Kalatia 1:21

Mulimuli ake, oi fano ai au ki ni kogāfenua i Hulia ma Kilikia.