Gāluega 22:1 - Tokelauan New Testament

¹ “Te kau uho ma oku tamana Iutaia, fakalogo mai ake ke fai atu taku fakamatalaga, ke kitea ai e koutou e hēai haku mea hehē na fai!”

Gāluega 22:1 ပူးပေါင်းရင်းမြစ်များ

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Luka 21:14

Ke tonu muamua i outou māfaufau ko koutou ke nahe popole pe ka vēhea ake he koutou tali,

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Gāluega 19:33

Ko iētahi tino na i ei to lātou tāofi, ko Alehana te na māfua ai te mea tēnei ona na uga e nā tino Iutaia ke fano ki mua. Oi fakatū atu ai te lima o Alehana ki tagata ke nahe piha, ma na taumafai ai ke fakamālamalama ki ei, ko te vevehitū e hēki māfua ia te ia ma ona hoa.

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 23:6

Kua kitea atu e Paulo ko iētahi tino o ki lātou ni Falehaio ma ko iētahi ni Hatukaio, oi kalaga atu ai i loto o te fono, “Oku uho Ihalaelu! Ko au he Falehaio, te ataliki o ni Falehaio. Ko au e i mua o te fakamahinoga tēnei, ona ko toku fakamoemoe mautinoa, ko nā tino kua oti ka toe fakatutū e te Atua ki te ola!”

Gāluega 24:10

Oi geno atu ai te kōvana ki a Paulo ke tautala ma na lea vē atu ai ia Paulo, “Ko au e fiafia oi tali atu ki nā mōliga o oku, auā e iloa e au ko koe ko te fakamahino o te nuku kātoa tēnei mo nā tauhaga e lahi.

Gāluega 25:16

Kae ko au na lea ki ei, ko ki tātou nā tino Loma e hē māhani oi tuku atu he tino kua mōlia i he holitūlāfono ke fakamahino, kae ko hēki fakafehagai ki nā tino na ki lātou faia te mōliga, ma tuku ki ei he avanoa ke tali atu ai ki ona mōliga.

Gāluega 25:8

Ka kua tali vēnei atu ki ei ia Paulo: “E hēai haku mea e fokotahi kua fai e hē tuha ma te Tūlāfono a Iutaia, pe teteke ai ki te Mālumalu pe ko te Kaihala o Loma.”

Gāluega 26:24

Ka koi tali vēnei atu ia Paulo ki ona mōliga, kae kalaga mai ki ei ia Fehetone, “Paulo, ko tō māfaufau ko kua hē lelei! Ko te lahi o au hukehukega kua hē lelei ai tō māfaufau!”

Gāluega 28:17

Kua teka nā aho e tolu, oi kalaga ai e Paulo he lātou fono ma nā takitaki Iutaia i Loma. I te maopoopo maiga, oi lea vē atu ai ki ei, “Te kau uho, e ui lava e hēai haku mea hehē na fai ki o tātou tagata pe ki nā tū na ki tātou maua mai o tātou tupuna, ko au na fai ma pagotā i Ieluhalema, ma tukulima atu ki nā tino Loma.

Gāluega 7:2

Kua tali atu ia Hetefano, “Oku uho ma oku tamana, fakalogo mai ake! Ka ko hēki fano to tātou tupuna ko Apelaamo oi nofo i Halana, na fakailoa ki a te ia te Atua o vīkiga, i Mehopotamia

Loma 2:15

E fakaalia ia lātou mea e fai, ko nā mea e fakatonu mai e te Tūlāfono kua tūhia i o lātou loto. E fakaalia foki e ala i o lātou lotofuatia te moni o te mea tēnei, auā ko iētahi taimi ko o lātou manatunatuga e vē ake, “E hehē tau mea na fai” kae ko iētahi taimi e vē ake, “E hako tau mea na fai.”

1 Kolinito 9:3

Kāfai au e fehiligia e tagata, ko tēnei taku tali atu ki ei:

2 Kolinito 12:19

Ātonu pe ko koutou e vēakē ko ki mātou e fīnau atu mo ki mātou lava. Hēai! Ko ki mātou e tautatala lava e vē ko te mea e fofou ia Keliho ke tautatala ai ki mātou i mua o te Atua, ma ko nā mea uma e ki mātou faia, e mo te atiakega o koutou a mātou uō pele.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Filipi 1:17

Ko iētahi tino, e hē tālakia e ki lātou e uiga ki a Keliho i te agaga moni, kae i te agaga fia hili ma te fakapito; e taumafai ki lātou ke fai nā mea ke ātili āfāina lahi ai au, ka ko i te falepuipui au.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

2 Timoteo 4:16

I te faiga o toku fakamahinoga, e hēai lele he tino na fehoahoani mai ki a te au; ko au na tīaki e ki lātou uma. Ko au e tatalo ke nahe tauia e te Atua te lātou mea tēnei na fai.

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.