Gāluega 21:9 - Tokelauan New Testament

⁹ E toka fa ona afafine ko hēki fakaipoipo, nae folafola e ki lātou te fekau a te Atua.

Gāluega 21:9 ပူးပေါင်းရင်းမြစ်များ

Luka 2:36

Nae i ei he pelofeta fafine matua lele e igoa ki a Anā, te afafine o Fanouele o te puikāiga o Ahela. E fitu oioti ia tauhaga na nofotāne ai, ma kua valuhefulu fa nei ona tauhaga. Kua hē fano kehe lele ma te Mālumalu; e tatalo ma tāpuaki ki te Atua i te pō ma te ao, ma fakalāina.

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 2:17

‘Kua vāgana te Atua: Ko tēnei te mea ka kō faia i nā toe aho: Ka kō liligia toku Agaga ki luga o tagata uma. Ka tālaki e autou fānau taku fekau; ka kitea e outou taulelea talavou ni fakaaliga, ma ka fai miti nā tino mātutua.

1 Kolinito 7:38

Ko te mea ia, e lelei kāfai te tamāloa e fakaipoipo kae e hili atu la te lelei mo te tamāloa e hē fakaipoipo.

Fakaaliga 2:20

Kae ko tēnei te mea e hē fiafia ai au ki a te koutou: e hēai lele houtou teteke ki te fafine ko Iehapela, tēia e lea ko ia ko he pelofeta e a te Atua. E fakahehē e ia aku kaukauna e ala i ana akoakoga, ke ki lātou faia nā tuinanauga mātagā ki te tino, ma ke kakai ki nā meakai kua uma te fakatō mo nā tupua ta.