Gāluega 20:4 - Tokelauan New Testament

⁴ Ko Hōpato te ataliki o Pulo, mai Peloia, na olo ma Paulo; na vēnā foki ia Alihitako ma Hekounato mai Tehalonika; ko Kaio mai Tepene; ko Tuhiko ma Tolofimo mai te itūmālō o Ahia; ma Timoteo.

Gāluega 20:4 ပူးပေါင်းရင်းမြစ်များ

Gāluega 14:20

Kae i te maopoopo atuga o te kau Kelihiano ki te mea e i ei ia Paulo, oi tū ake ai ki luga oi toe foki ki te kakai. I te aho alafaki, oi olo ai ma Panapa ki Tepene.

Gāluega 14:6

I te iloaga e nā apohitolo te mea tēnei, oi hōhola ai ki nā kakai ko Luotala ma Tepene i Lukaonia, ma iētahi koga e pili ki ei.

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Gāluega 2:9

Ko ki tātou ni tino e ōmamai mai Pahoi, Mētoi ma Elamitai; mai Mehopotamia, Iutea ma Kapatokia; mai Ponitoho ma Ahia,

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 20:18

Ma i to mātou taunuku atuga, oi lea atu ai ia Paulo ki a te ki lātou, “E iloa e koutou nā mea nae fakafano ki ei toku taimi i nā aho uma nae māfuta ai au ma koutou, mai te aho muamua lava na pa mai ai au ki te itūmālō o Ahia.

Gāluega 21:29

(Na lea vēnei ki lātou, ona na ki lātou kitea ia Tolofimo mai Efeho e feoaki ma Paulo i te kakai, ma vēake ai na kave e Paulo te tagata tēnei ki loto o te Mālumalu.)

Gāluega 27:2

Na hohopo ki mātou ki he vaka na hau mai Atalamuteno ma kua hāuni ka malaga ki nā taulaga o te itūmālō o Ahia, ma na tukuvaka ai loa ki mātou. Nae fakatahi ki mātou ma Alihitako, he tino Maketonia e hau i Tehalonika.

Loma 16:21

E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

Loma 16:23

E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho ki a Kuata.

2 Kolinito 1:1

Mai ia Paulo, he apohitolo a Keliho Iehu e tuha ai ma te finagalo o te Atua, ma te koutou uho ko Timoteo — Ki te Ekalehia a te Atua i Kolinito, ma nā tino o te Atua i te itūmālō kātoa o Akaia:

2 Kolinito 1:19

Auā ko Iehu Keliho, te Ataliki o te Atua, tē nae folafola atu ki a te koutou e ki mātou — e au vēnā ma Hila ma Timoteo, e hē ko he tino e “Io” ma “Hēai” i te taimi e fokotahi, kae e “Io” i taimi uma lava;

Efeho 6:21

Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Filipi 2:19

Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo ki a te koutou i he taimi pili mai, kae ke maua mai ai ni tala e uiga ki a te koutou, e fakamākeke ātili mai ki a te au.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

Kolohe 4:7

Ko to mātou uho pele ko Tuhiko, he tino faigāluega fakamāoni, ma ko he uho foki e gālulue fakatahi ki mātou i te gāluega a te Aliki, ka ia kavatua ni tala e uiga ki a te au.

1 Timoteo 1:1

Mai ia Paulo, he apohitolo a Keliho Iehu na fakatonugia e te Atua to tātou Fakaola ma Keliho Iehu to tātou fakamoemoe —

2 Timoteo 1:2

Ki a Timoteo, toku ataliki pele: Ke ia te koe te alofa tūnoa, te agalelei, ma te fīlēmū mai te Atua te Tamana ma Keliho Iehu to tātou Aliki.

2 Timoteo 4:12

Kua uga e au ia Tuhiko ki Efeho.

2 Timoteo 4:20

Ko Elahito na nofo i Kolinito, ma na tuku e au ia Tolofimo i Mileto ona nae tauale.

Tito 3:12

Kua tonu ia te au ke uga atu he tino o Atemani pe ko Tuhiko. Kāfai e pa atu, fakamolemole taumafai ke fetaui ki tāua i Nikapoli, auā kua fuafua e au ko au ka nofo i kinā i te taumālūlū.

Filemoni 1:24

ma e vēnā foki oku hoa i luga o te gāluega, ia Maleko, Alihitako, Temahi, ma Luka.

3 Ioane 1:1

Mai te Toeaina — Ki a Kaio te uō pele, e alofa lahi au ki ei.