Gāluega 20:2 - Tokelauan New Testament

² Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Gāluega 20:2 ပူးပေါင်းရင်းမြစ်များ

Luka 3:18

E lahi iētahi auala nae tālaki atu ai e Ioane te Tala Lelei ki tagata, ma fakamālohi atu ki a te ki lātou, ke hui o lātou ōlaga.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Gāluega 16:12

Mai kinā oi olo ai ki mātou ki Filipi, he kakai o te itūmālō muamua o Maketonia; he kolone foki e o Loma. Na faitau aho ki mātou i kinā.

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 17:10

Na pa loa lava ki te pō, oi uga ai ia Paulo ma Hila e nā uho Kelihiano ke olo ki Peloia. Kua taunuku atu ki lāua ki kinā, oi olo ai ki te hūnako o tagata Iutaia.

Gāluega 2:40

E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

Gāluega 20:1

Kua māona atu te vevehitū, oi fakapotopoto ai e Paulo te kau Kelihiano, ma ina kua uma te ia kavatua ki ei o ni kupu fakamākeke, oi fakamāvae atu ai ki a te ki lātou, ma malaga ai loa ki Maketonia.

Gāluega 20:11

Oi toe fano ai ki te falealuga, kua tavaevae e ia te falaoa ma kakai fakatahi ma te kau Kelihiano. Ina kua uma te tautala o Paulo ki a te ki lātou mo he taimi mataloa, ma na pa lava ki te hopo ake o te la, oi tuku ai e ia ki lātou kae fano kehe.

Gāluega 20:3

oi nofo ai i kinā i ni māhina e tolu. Kua hāuni ia Paulo e malaga i he vaka ki Hulia, kae ia maua te fakamatalaga ko ia e lama e ni tino Iutaia; oi fai ai tana tonu ke toe liliu oi kui atu i loto o Maketonia i tona auala ki Ieluhalema.

1 Kolinito 4:19

Kae ko au ka fanatu i he taimi lata mai, pe kāfai e finagalo ki ei te Aliki. Ma ka iloa ai e au te meamoni, e hē gata i nā kupu a nā tino fia popoto, kae pe ia te ki lātou moni te mana o te Agaga Paia.

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

1 Tehalonia 2:11

E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau.

1 Tehalonia 2:3

Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.