Gāluega 2:40 - Tokelauan New Testament

⁴⁰ E hē ko iēnei oioti nā mea na lea ai ia Petelu ki a te ki lātou, na fautua mālohi lele ki a te ki lātou i te lahi o iētahi kupu, kua lea vē atu, “Koutou la ke hao mai te fakahalaga ka pa ki ei tēnei tupulaga kino!”

Gāluega 2:40 ပူးပေါင်းရင်းမြစ်များ

Mataio 12:34

Ko koutou e vē ko fānau a gata — e tautatala vēhea koutou ki ni mea lelei ka ko koutou e kino? Auā e tautala te gutu i nā mea e tumu ai te loto.

Mataio 16:4

Kai te kino ma te hē talitonu ki te Atua o tagata o nā aho nei. Ko koutou e lea mai ke fai he fakailoga ofoofogia? Hēai! Oioti lava te fakailoga e fai mo koutou ko te fakailoga ofoofogia na fai ki a Iona.” Oi fano kehe ai loa mai kinā.

Mataio 17:17

Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Maleko 8:38

Auā ko ai lava he tino i tēnei tupulaga hē talitonu ma te agahala, e mā ia te au ma aku akoakoga, ka vēnā foki oi mā te Ataliki o te Tagata i te tino tēnā, kāfai e hau i te mamalu o tona Tamana fakatahi ma te kau agelu paia.”

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Ioane 21:25

Kae e lahi iētahi mea na fai e Iehu. Anei e tuhituhi uma ki lalo nā mea iēnei, hōvē ei na hē ofi te lalolagi kātoa i nā tuhi e fakamaumau ai.

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Gāluega 20:11

Oi toe fano ai ki te falealuga, kua tavaevae e ia te falaoa ma kakai fakatahi ma te kau Kelihiano. Ina kua uma te tautala o Paulo ki a te ki lātou mo he taimi mataloa, ma na pa lava ki te hopo ake o te la, oi tuku ai e ia ki lātou kae fano kehe.

Gāluega 20:2

Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 20:9

Nae i ei he taumalo e igoa ki a Eutuko nae nofo i te famalama, ma e fai lava la te tautalaga a Paulo, ka kua kāmata oi tulemoe ma na iku lava na moe. Oi pakū ifo ai mai te fogāfale tolu ki te kelekele, ma e hiki ake e ki lātou kua oti.

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

2 Kolinito 6:17

Na vāgana foki te Aliki, “Olo kehe ma ki lātou ma nahe toe koutou nonofo fakatahi. Koutou nā fakapipiki ki te mea e hē mamā, oi talia ai koutou e au.

Kalatia 5:3

E toe lapataki atu au ki ho he tamāloa e ia talia ko ia ke pelitome; kāfai e kē faia te mea tēnei, ko koe la e tatau ke uhitaki ki te Tūlāfono kātoa.

Efeho 4:17

I te igoa la o te Aliki e lapataki atu ai au ki a te koutou: koutou nahe toe ola e vē ko tagata fakapaupau ma o lātou manatu e hēai he aogā

Filipi 2:15

kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

1 Tehalonia 2:11

E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau.

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.